16.9 C
Dushanbe

Нархи чиптаҳо аз Тоҷикистон ба Русия боз гарон шуд

Дар Тоҷикистон нархи чиптаҳои ҳавопаймо ба самти Русия ба таври назаррас гарон шудааст.

Бахусус нархи чиптаҳо аз шаҳрҳои Тоҷикистон ба самти Маскав аз пештар дида гаронтар шудааст, агар нафаре хоҳад, ки чиптаро ду-се рӯз пеш аз парвоз бихарад, пас бояд беш аз 5 ҳазор сомонӣ пардохт кунад.

Ҳатто 10-12 рӯз пеш аз парвоз ҳам, чиптаҳои парвози мустақим аз Душанбе ба Маскав на камтар аз 5000 сомонӣ арзиш доранд.

Як корманди кассаҳои чиптафурӯшӣ ба “Avesta” гуфтааст, ки се-чор рӯз пеш нархҳо тамоман дигар буданд. Чипта дар самти Душанбе-Маскав аз 2,4 ҳазор то 30 ҳазор сомонӣ арзиш дошт.

Ин корманди кассаи чипатфурӯшӣ дар идома қайд кард, ки “Ҳар сол дар моҳи январ чиптаҳои ҳавопаймо ба самти Русия нисбат ба дигар моҳҳои сол арзонтар буд ва имсол нархи онҳо якбора боло рафт. Ин ба талабот вобаста аст. Чи қадаре, ки одамон мехоҳанд чипта бихаранд, ҳамон қадар нархи он гаронтар мешавад ва нархро ширкатҳои ҳавопаймоӣ муқаррар мекунанд”.

Ёдовар мешавем, ки дар баҳори соли 2021, вақте парвозҳои чартерӣ миёни Тоҷикистону Русия афзоиш ёфт, нархи чиптаҳо то 10-12 ҳазор сомонӣ боло рафт.

Он замон Ожонси авиатсияи граждании Тоҷикистон аз ширкатҳои ҳавопаймоии Русия талаб карда буд, ки чиптаҳои Душанбе-Маскав-Душанберо бо қимати на бештар аз 500 доллар фурӯшанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.