Нархи сӯзишворӣ дар Тоҷикистон боз ҳам гарон мешавад?
Вазорати энергетикаи Қазоқистон бо як фармони худ содироти бензин, сӯзишвории дизелӣ ва баъзе намудҳои дигари маҳсулоти нафтиро боздошт.
Тибқи ин фармон содироти бензин, сӯзишвории дизелӣ ва баъзе намудҳои маҳсулоти нафтӣ ба муддати 6 моҳ аз қаламрави Қазоқистон тавассути роҳи автомобилгард манъ мебошад.
Вазорати энергетикаи Қазоқистон ин иқдомро бо ҳадафи ҷилавгирӣ аз камбуди маводи сӯхт дар бозори дохилии ин кишвар анҷом додааст.
Мамнуияти содироти маводи сӯхт аз Қазоқистон бо роҳи автомобилгард ба дигар кишварҳо дар ҳолест, ки Тоҷикистон қисме аз маводи сӯхтро аз ин кишвар ворид мекунад.
Ба назари коршиносони соҳа мамнуияти содироти маводи сӯзишворӣ аз Қазоқистон боиси боло рафтани нархи бинзену дигар маводҳои сӯхт хоҳад шуд. Чун ду моҳ пеш низ ба далели коҳиши воридоти маводи сӯхт аз Қазоқистон, нархи сӯзишворӣ дар Тоҷикистон боло рафта буд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.