14.9 C
Dushanbe

Насим Шарипов озод шуд

Имрӯз, 5-уми январ намоядаи Ҳаракати сиёсии “Гурӯҳи-24” дар Туркия аз боздоштгоҳи муваққатӣ озод шуд. Дар ин бора “Гурӯҳи-24” дар сомонаи расмиаш хабар медиҳад.

Гуфта мешавад, Насим Шарипов 30-юми декабри соли 2021 аз ҷониби мақомоти қудратии Туркия дар шаҳри Истамбул боздошт ва рӯзи 3-юми январ аз шуъбаи пулис ба боздоштгоҳи муваққати интиқол дода шуда буд.

Шарипов аз соли 2015 дар Туркия ба соҳибкорӣ ва таҳсил машғул буда, бори севвум аст, ки аз ҷониби мақомоти қудратии ин кишвар боздошт мешавад.

Бори аввал ӯ соли 2018  ҳамроҳ бо роҳбари Ҳаракати сиёсии “Гурӯҳи-24” Суҳроб Зафар дар Истамбул боздошт шуда, пас аз бекор гардидани айбномаҳо ба озодӣ баромад. Насим Шарипов дар  Туркия мақоми паноҳандаи сиёсиро дорад.

Моҳи марти соли 2020 низ пас аз боздошти такрорӣ ва дахололати фаврии вакили дифоъ масъалаи истирдоди ӯ ба Тоҷикистон лағв гардид.  

Мақомоти Туркия сабаби сеюмбора боздошт шудани Шариповро то ҳол шарҳ надодаанд.

Ба иддаои “Гурӯҳи-24” дар паси ин қазия, ба мисли ҳодисаҳои рабудан ва ба Тоҷикистон истирдод гардидани Шобуддин Бадалов ва Раҳматҷони Маҳмадҷон дар Русия мақомоти амниятии Тоҷикистон меистад.

Дар ин изҳороти худ Ҳаракати сиёсии “Гурӯҳи-24” аз вакили дифоъ, созмонҳои байналмилалӣ ва ҳамаи онҳое, ки барои озодии Насим Шарипов талош карданд, изҳори сипос намудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.