10.9 C
Dushanbe

Навалний: Ман медонам, ки кӣ маро куштан мехост

Сурат: © AP Photo / Pavel Golovkin

Тафтишоти густардаи як гурӯҳи рӯзноманигорони тафтишотӣ нишон дод, ки дасти кам ҳашт корманди хадамоти ҷосусии Русия дар заҳролуд кардани мунаққиди Кремл, Алексей Навалний даст доранд. Дар ин бора шабакаи хабарии (DW) хабар дод.

Бозёфтҳои муштараки мултимедиявӣ, аз ҷумла ҳафтаномаи олмонии “Der Spiegel”, “Cyanan” ва шабакаҳои рӯзноманигорони тафтишотии “Bellingcat” ва “Insider”, дастдоштани ҳадди ақал ҳашт корманди хадамоти ҷосусии Русия дар заҳролудшавии Алексей Навалнийро ошкор карданд.

Дар ҷараёни тафтиш шахсияти шаш мансабдори аршади Русия ва ду мудири хадамоти “ФСБ” муайян карда шудааст. Алексей Навалний акси ин афродро нашр карда гуфт, ки “Ман медонам, ки кӣ маро куштан мехост”.

Ҳафтаномаи “Der Spiegel” менависад, ки баҳодиҳии гуфтугӯҳои телефонӣ, GPS, макони ҷойгиршавӣ ва баррасии муфассали рӯйхати мусофирони парвозҳои мухталиф нишон медиҳад, ки Навални аз соли 2017 таҳти назорати ин дастаи ҳаштнафарӣ буда аст. Масалан, онҳо 30 маротиба ба самтҳое, ки Навалний сафар кардааст, низ сафар карда, пас аз чанде ба Маскав баргаштанд.

Тафтишот инчунин нишон дода, ки дар амалиёти заҳролудкунӣ бо Институти криминология ва Маркази технологияҳои пешрафтаи Русия ҳамкорӣ сурат гирифтааст. Ҳамаи ҳашт нафар дар соҳаи тиб, химия ё дар нерӯҳои махсуси Русия кор мекардаанд.

Ёдовар мешавем, ки Алексей Навалний рӯзи 20 август ҳангоми парвоз аз Сибир ба Маскав дар дохили ҳавопаймо беҳуш шуд. Пас аз ду рӯз ӯро ба беморхонаи Шариати Берлин интиқол доданд. Таҳқиқот дар се озмоишгоҳи аврупоӣ нишон дод, ки ӯ бо заҳри асаби навъи “Новичок” заҳролуд шудааст. Ташкилоти манъи силоҳи кимиёвӣ низ ин натиҷаро тасдиқ кард.

Навалнии 44-сол боз дар Олмон табобат мегирад. Ӯ гуфтааст, ки пас аз сиҳатшавӣ ба Русия бармегардад.

Тими Навални ва аксари ҳукуматҳои Аврупоӣ Русияро дар ин кор гунаҳкор донистанд, аммо Кремл пайваста дастдоштанашро рад мекунад. Кремл иддао дорад, ки ҳама захираҳои навъи “Новичок” нобуд карда шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.