3.9 C
Dushanbe

Навбатдории шабонаи сокинони Конибодом идома дорад

Мақомоти Тоҷикистон бо гузашти беш аз ду моҳ аз боздошти бархе гумонбарони ҳодисаҳои хунин дар шаҳри Конибодом ҳанӯз натавонистаанд оромишро дар ин шаҳр таъмин кунанд.

Имрӯз, 4-уми феврал Даврон Зоҳидзод, раиси нави шаҳри Конибодом, дар нишасти матбуотии худ эълом кард, ки бо вуҷуди он ки вазъ каме беҳтар шудааст, вале ҳоло ҳам навбатдории шабонарӯзии сокинон барои таъмини амният ва оромиши сокинон идома дорад.

Ба гуфтаи вай, “бо гузашти беш аз ду моҳ аз боздошти гумонбарон дар кушторҳои пурсарусадо, сокинони Конибодом ҳанӯз ҳам навбатдории шабонаи худро барои таъмини амният ва оримш ҳар шаб анҷом медиҳанд.”

Ба гуфтаи ӯ, ҳукумати шаҳр талош дорад, то сокиноне, ки аз тарс хонаҳои худро тарк кардаанд, дубора ба манзилҳои худ баргарданд. Ҳамзамон тафтиши парвандаи кушторҳо аз ҷониби мақомоти кишвар кишвар идома дорад.

Зоҳидзод инчунин афзуд, чор нафаре, ки бо гумони даст доштан дар ҳодисаҳои куштори силсилавии ин шаҳр боздошт шудаанд, талош доранд бо додани номҳои нав тафтишотро гумроҳ кунанд. Аммо мақомот ба сурати ҷиддӣ вориди ин масъала шуда, дар пайи ҳалли комили қазия ҳастанд.

Гуфта мешавад, давмои соли 2024 даҳҳо нафар бо шумули аъзои хонавода, аз ҷумла занону фарзандони ноболиғ тавассути афроди ношинос дар хонаҳои худ кушта шуданд. Ин ҳодисаҳои хунин сабаби ба вуҷуд омадани тарсу ҳароси бахе сокинон гардида, хонаву кошонаҳои худро тарк кардаанд.

Дар ҳамин ҳол бархе сокинон мепурсанд, ки чаро мақомоти корҳои дохилӣ, амният ва додситонии кишвар ҳар аз гоҳе иддао мекунанд, ки ба ҳисоби миёна ҳар ҳафта чанд нафар “террорист”-ро боздошт ё безарар мекунанд, вале бо гузашти ин чанд моҳ ҳанӯз натавонистаанд, ин кушторҳои бераҳмонаро ошкор ва омилони асосиро боздошт кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даҳҳо парванда ба иттиҳоми “фасодкорӣ” барои кормандони ниҳодҳои давлатӣ

Дар робита ба дуздии миллионҳо сомонӣ аз будҷети Вазорати дифоъ, ки соли гузашта рух дода буд, нисбати 26 корманди давлатии дигар парвандаи ҷиноӣ боз шудааст.

Қатли ду зодаи Осиёи Марказӣ дар пайи “амалиёт” дар Русия

Хадамоти амнияти Федералӣ (ФСБ)-и Русия аз пешгирии як ҳамлаи теруристӣ дар вокзали шаҳри Псков хабар дод.

Хабари боздошти Идибеки Бохтарӣ тасдиқ шуд

Додгоҳи шаҳри Бохтар боздошти Идибеки Мардон, маъруф ба "Идибеки Бохтарӣ"-ро, ки яке аз мубаллиғони ашаддии Ҳукумат дониста мешуд, тасдиқ кард.

Ҳукми зиндони даҳҳо нафар бо иттиҳоми амали террористӣ дар ҷашни “Наврӯз”

Додситони кулли Тоҷикистон даҳҳо шаҳрвандро бо иттиҳоми нақшаи анҷоми амали террористӣ дар маросими ҷашни Наврӯз 2024 боздошт кард.