35.9 C
Dushanbe

Нерӯҳои фаластинӣ: Исроил қатлу боздоштҳоро қатъ кунад

Нерӯҳои муқовимати фаластинӣ дар Ғазза эълон кардаанд, ки Каронаи Бохтарии рӯди Урдун ва Қурдси ишғолиро танҳо намегузорем.

Бино ба иттилои рӯзномаи “Раъюулявм”-и чопи Ландан, мақомоти мисрӣ, ки ба ҳайси миёнҷигар байни нерӯҳои муқовимати фаластинӣ ва Исроил амал мекунанд, имрӯз нерӯҳои муқовимати фаластиниро зери фишор қарор дода, ҳушдор додаанд, ки вориди маърака нашаванд, то Исроил ба Ғазза низ ҳамла накунад.

Манбаъ меафзояд, Исроил аз мақомоти Миср хостааст, ки ба нерӯҳҳои фаластинӣ дар Ғазза фишор оваранд, то дар ҳаводиси кунунии Каронаи Бохтарӣ ва Байтулмуқаддас ширкат наварзанд ва дар айни замон ҷабҳаи Ғаззаро гарм накунанд, вагарна натиҷа он мешавад, ки Исроил амалиёти низомии кушодаеро низ алайҳи Ғазза оғоз мекунад.

Аммо, нерӯҳои муқовимати фаластинӣ ва дар раъси онҳо Ҳамос ва Ҷиҳоди исломӣ дар посух гуфтаанд, ки суботу оромии Ғазза наметавонад давомдор бошад, агар Исроил қатлу куштор, боздоштҳои худсарона ва бесуботиро дар Каронаи Бохтарӣ қатъ накунад, нерӯҳои фаластинӣ дар Ғазза ҳарфҳое зиёде (дар майдони ҷанг) барои гуфтан бо Исроил доранд. Ҳамос ҳам таъкид карда, ки барои то шаш моҳи ҷанг омодагӣ дорад.

Пеш аз ин вазири ҷанги Исроил дар суҳбат бо расонаҳои хориҷӣ эълон карда буд, ки артиши Исироил барои ҳама сенарюҳо омодааст, ва метавонад майдони ҷангро ба Ғазза ё Лубнон интиқол диҳад.

Гуфта мешавад, тайи як моҳи ахир шаҳрҳои мухталифи Исроил обистани бесуботӣ ва нооромиҳо гардида, дар ин муддат даҳҳо нафар аз ду ҷониб кушта ва захмӣ шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.