14.9 C
Dushanbe

Нишасти изтирории Шӯрои ҳуқуқи башари СММ дар бораи вазъияти Эрон

Рӯзи панҷшанбе, 24-уми ноябри соли равон Шӯрои ҳуқуқи башари Созмони Милали Муттаҳаид (СММ) нишасти изтирорие дар бораи вазъияти охири Эрон баргузор кард.

Дар нишасти Шӯрои ҳуқуқи башари СММ қарор шуд, ки барои таҳқиқи ҷараёни эътирозҳо ва сабабҳои кушта ва саркӯб шудани одамон аз оғоз то имрӯз гурӯҳи корие ташкил карда шавад ва таҳқиқро оғоз кунад.

Ба иттилои бархе расонаҳо ва созмонҳои ҳуқуқӣ, дар эътирозоти хиёбонии Эрон аз рӯзи оғози он (17-уми сентябри соли ҷорӣ) то имрӯз наздики 450 нафар кушта шуда, ки дар байни онҳо 63 кӯдак ва 57 нерӯи амниятӣ низ ҳаст ва ҳамчунин беш аз 18 ҳазор нафари дигар боздошт шудааст.

Ҷовид Раҳмон, гузоришгари вежаи ҳуқуқи башари СММ дар умури Эрон дар нишасти изтирорӣ аз мақомоти ин кишвар хостори таваққуфи фаврии эълон ҳукмҳои сангин ва эъдом алайҳи муътаризони боздоштшуда шуд.

“Раҳбарони Ҷумҳури исломӣ дар ҳеч мавриде ҳозир нестанд бо муътаризон гуфтугӯ кунанд ва онҳоро бо барчаспҳое аз қабили “душман” ва “омили хориҷӣ” рондаанд”, мегӯяд Ҷовид Раҳмон.

Аммо мақомоти Эрон саркӯби эътирозгаронро такзиб мекунад. Ба иддаои мақомот, эътирозҳои мардумӣ бо пуштибонии “хориҷиҳо” ва “иғтишошгарони” дохилӣ роҳандозӣ шудааст.

Дар ҳамин ҳол Хадиҷа Каримӣ, намояндаи Эрон дар СММ ташкили ҷаласаи изтирории Шӯрои ҳуқуқи башарро “фиребкорона” хонд ва афзуд, ки кишварҳое, ки нигарони ҳуқуқи башар дар Эрон ҳастанд, аз роҳи таҳрим ва ҳимояти гурӯҳҳои террористӣ ҳуқуқи мардуми Эронро нақз кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.