-3.1 C
Dushanbe

Нишасти Созмони Ҳамкориҳои Исломӣ дар Покистон

Нишасти навбатии Созмони Ҳамкориҳои Исломӣ дар шаҳри Исломобод, пойтахти Покистон баргузор мешавад.

Субҳи имрӯз, 22-юми марти соли ҷорӣ чиҳлу ҳаштумин нишасти вазирони корҳои хориҷии кишварҳои узви Созмони Ҳамкориҳои Исломӣ дар шаҳри Исломобод, пойтахти Покистон бо шиори мушорикат барои ваҳдат, адолат ва тавсеъа ба кори худ оғоз кард.

Ин нишаст бо ҳузур ва суханронии Нахуствазири Покистон Имрон Хон оғоз шуда, раёсати онро Маҳмуд Қурайшӣ, Вазири умури хориҷии Покистон бар уҳда дорад.

Тоҷикистонро дар ин нишаст Вазири корҳои хориҷии Тоҷикистон Сироҷиддин Меҳриддин намояндагӣ мекунад.

Вазирони корҳои хориҷии кишварҳои узви Созмони Ҳамкориҳои Исломӣ дар ин нишасти худ мавзуъҳои муҳим барои олами ислом, аз ҷумла масъалаи Афғонистону Яман ва Фаластинро мавриди баҳсу баррасӣ қарор дода, дар бораи вазъияти Украина ва ҳамлаи низомии Русия ба он табодули назар хоҳад кард.

Созмони Ҳамкориҳои Исломӣ дар гузашта Созмони Конфронси Исломӣ ном дошт. Ин созмон дар соли 1969 дар Марокиш поягузорӣ шуд ва дар ҳоли ҳозир 57 кишвари узв дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.