32.9 C
Dushanbe

Ҳавопаймои “рабуда”шудаи Укроин дар Афғонистон

Расонаҳои русӣ менависанд, як ҳавопаймои Укроинӣ, ки ба қасди ихроҷи шаҳрвандони ин кишвар вориди Кобул шуда буд, бо гирифтани тило ва дигар ҷавоҳироти қиматбаҳо аз мусофирони афғонӣ ба Машҳади Эрон парвоз кардааст.

Пеш аз ин хабаргузории расмии Русия ТАСС иттилоъ дода буд, як ҳавопаймои мусофирбари Укроин, ки барои баровардани шаҳрвандонаш ба Афғонистон рафта буд, дар Кобул аз ҷониби шахсони номаълум рабуда шудааст.

Ҳамзамон хабаргузории “Взгляд” аз қавли муовини вазири корҳои хориҷии Укроин Евгений Енин навишта буд, “Сешанбеи гузашта як ҳавопаймои мо воқеан дуздида шуд, вай ба ҷои он ки украинҳоро берун барорад, бо як гурӯҳи мусофирони номаълум ба Эрон парвоз кард.”

Аммо ББС гузориш дод, Муҳаммад Зибахш, сухангӯи Созмони ҳавопаймоии Эрон гуфта, ки “иддаои Украинро дар мавриди рабуда шудани ҳавопаймо ва вуруди он ба Эрон пас аз рабоишро такзиб мекунем”.

Сухангӯи Созмони ҳавопаймоии Эрон мегӯяд, “ҳавопаймои украинӣ дирӯз дар фурӯдгоҳи Машҳад барои сӯхтгирӣ фурӯд омад ва дубора ва билофосила ба Киев парвоз кард”. Ӯ дар идома афзуд, ки “тибқи расади Созмони ҳавопаймоии Эрон ин ҳавопаймо шаби гузашта соати 21:50 ба вақти Эрон дар фурӯдгоҳи Киев фурӯд омадааст”.

Ҳамзамон Олег Николенко, сухангӯи Вазорати хориҷаи Украина низ хабари рабуда шудани ҳавопаймои украиниро дар суҳбат бо РИА Новости такзиб карда, гуфт, ки “ҳавопаймо саломат ба кишвар баргаштааст.” Ӯ афзуд, “ҳеч ҳавопаймли украинӣ аз Кобул ва ё манотиқи дигари Афғонистон рабуда нашудааст ва иттилооти мунташиршуда тавассути бархе расонаҳо сиҳат надорад.”

Хабари рабуда шудани Ҳавопаймои ураинӣ аз Кобул дар ҳоле мунташир мешавад, ки ҳаракати Толибон душанбеи гузашта, 15 август дар натиҷаи суқути ҳукумати Ашраф Ғанӣ идораи Афғонистонро ба даст гирифт. Аксари кишварҳои дунё парвозҳои худро ба ин кишвар муваққатан қатъ карданд, ва бархе кишварҳои дигар мехоҳанд бо ирсоли ҳавопаймоҳо шаҳрвандони худро аз Афғонистон берун биёранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.