28.9 C
Dushanbe

Нопадид шудани панҷ сокини Язғулом дар фурӯдгоҳи Кӯлоб

Панҷ нафар аз сокинони Язгуломи ВМКБ дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Бино ба маълумоти расида, қарор буд ин 5 нафар рӯзи 19- уми июн бо хатсайри Маскав-Кӯлоб ба Тоҷикистон мерасиданд. Дар суҳбат ба Радиои Озодӣ хешовандони ғайбзадҳо гуфтаанд, ки бо тай намудани 300 километр роҳ онҳо худро барои истиқболи пайвандонашон ба Кӯлоб расонидаанд, аммо дар фурӯдгоҳ аз онҳо хабаре нест. 

Ин 5 нафар ҳафтае пеш аз сӯи пулиси Маскав дар ошхонаи тоҷикии “Лаззат” боздошт шуда буданд. Маълум нест, ки онҳоро ихроҷ кардаанд ё бо дархости мақомот дар Тоҷикистон ба Ватан истирдод шудаанд.

Мақомоти тоҷик то ҳол дар ин бора ҳеҷ изҳороте надодаанд.

Бояд гуфт, ки Azda tv рӯзи сешанбе, 21-уми июн бо такя ба манбеи худ хабар дода буд, ки моҳи майи соли ҷорӣ КДАМ бо амалиёти вежае дар Язғулом ҳудуди 30 нафар сокинонро боздошт карда, ба Душанбе интиқол додаанд. 

Ин хабар дертар аз сӯи Радиои Озодӣ таъйид шуд ва мақомот боздоштшудаҳоро ба аъзо будан дар гурӯҳи “Ансоруллоҳ” муттаҳам медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.