28.9 C
Dushanbe

Норасоии 2 млн. муҳоҷирони корӣ

Русия тасмим гирифтааст, ки давоми як моҳи оянда раванди ҷалби муҳоҷирони кории сохтмончиро ба ин кишвар соддатар кунад.

25-уми июл, Марат Хуснуллин, муовини сарвазири Русия дар сафҳаи Инстаграмиаш эълон кард, ки айни замон норасоии қариб ду миллион муҳоҷири корӣ дар бахши сохтмонҳои Русия ба қайд гирифта шудааст.

Марат Хуснуллин, ки бо обуначиёни сафҳаи интсаграмиаш суҳбат мекард, гуфт, мо тасмим гирифтем, ки тартиби овардани коргаронро ба кишвар соддатар кунем. Зеро дар ҳоли ҳозир 1,5-2 миллион нафар нерӯи корӣ дар сохтмонҳои Русия намерасад.

Вай афзуд: «Мо кӯшиш мекунем, ки ин масъаларо ҳал кунем. Ҳоло камбуди фоҷеабори коргарон ба назар мерасад. Фикр мекунам, ки дар як моҳи оянда мо тартиби ба сохтмонҳо овардани коргаронро соддатар хоҳем кард.»

Марат Хуснуллин таъкид кард, коронавирус вазъиятро тағйир дода, нархҳо афзоиш ёфтаанд, аз ин рӯ Русия нигарони афзоиши таваррум дар сохтмонҳост.

Қаблан гузориш шуда буд, ки Вазорати сохтмони ин кишвар роҳи арзон кардани вуруди муҳоҷиронро пайдо кардааст. Ин вазорат аз тариқи қатораҳои чартерӣ ба Русия овардани муҳоҷирони меҳнатиро баррасӣ кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари кории хабарнигрони AZDA TV ба Норвегия

Гузориши кӯтоҳе аз сафари ҳайати Azda TV ба Норвегия ва иштирок дар "Форуми Озодии Осло 2024"

Манъи пӯшидани “ниқоб” дар Русия

Вакилони парлумони Русия лоиҳаи конун дар бораи манъи пӯшидани либосҳое, ки чеҳраро пинҳон мекунад, барои баррасӣ ба ҳукумат фиристодаанд.

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Боздошти 8 тоҷик дар Амрико бо гумони ҳамкорӣ бо ДИИШ

Рӯзи сешанбе, 11-уми июни соли ҷорӣ мақомоти Амрико 8 шаҳрванди Тоҷикистонро бо иттиҳоми иртибот бо ДИИШ боздошт карданд.