13.9 C
Dushanbe

Оғози муҳокимаи додгоҳии парвандаи нави Бузургмеҳр Ёров

Имрӯз, 13-уми июн дар Боздоштгоҳи муваққатии №1-и шаҳри Душанбе баррасии муҳокимаи додгоҳии парвандаи чоруми адвокати шинохтаи тоҷик Бузургмеҳр Ёров шурӯъ шуд.

Бародари ин адвокати шинохта Ҷамшед Ёров рӯзи сешанбе дар суҳбат ба Azda tv гуфт, ки Бузургмеҳр Ёров ин бор низ ба қаллобӣ муттаҳам мешавад ва парвандаро додраси шаҳри Ваҳдат баррасӣ мекунад.

Ба сабаби он ки адвокат аз баргузории муҳокимаи додгоҳӣ имрӯз огоҳ набуд, баррасии онро барои пас аз зуҳр мондаднд. Ва баъд аз танаффуси нисфирӯзӣ ҳоло марҳилаи дувуми баррасии парванда оғоз шудааст, наздикони мо ва ҷабрдидаҳову шоҳидон низ ба СИЗО ворид шудаанд.

Ӯ мегӯяд, тибқи гуфтаи намояндаи додгоҳ, раванди муҳокимаи парванда ошкор баргузор мегардад, “вале, вақте парванда дар дохили Боздоштгоҳи муваққатӣ (СИЗО) баргузор мешавад мо онро баъдтар хоҳем дид, ки то куҷо он ошкор мегузарад.

Ёдовар мешавем, ки 24-уми ноябри соли 2022 адвокати тоҷик Бузургмеҳр Ёров аз зиндони шаҳри Ваҳдат барои 2 сол ба зиндони низомаш пӯшида ва пурзӯри маъруф ба “критий”-и шаҳри Душанбе интиқол ёфта буд. 

Баъд аз ин Раёсати тафтишотии Вазорати корҳои дохилӣ нисбати ӯ парвандаи нав (парвандаи чорум)-ро бо иттиҳоми қаллобӣ боз кард ва то эълони ҳукм ва бо талаби худаш ӯро ба Боздоштгоҳи муваққатии рақами 1 гузарониданд. Бузургмеҳр Ёров бо навиштани нома аз дохили зиндон иттиҳомоти нави мақомотро сохта номид.  

Ин адвокати зиндонӣ дар номаи худ навишт, ки парвандаи нав бар асоси шикояти маҳбусе бо номи Ҳасан Ҳасанов боз шуда, даъвогар иддао кардааст, ки ин ҳомии ҳуқуқ ва наздиконаш аз пайвандони ӯ бо ваъдаи озодии Ҳасанов аз маҳбас ва пешниҳоди кумаки ҳуқуқӣ 42 ҳазору 500 сомонӣ гирифтаанд.

Дар номаи Бузургмеҳр Ёров аз тафтишот хоста шудааст, ки ӯро бо даъвогар Ҳасан Ҳасанов рӯ ба рӯ кунанд ва ба наздиконаш ҳамчун шоҳид иҷозаи ширкат дар рафти тафтишотро диҳанд. 

Пайвандони Бузургмеҳр Ёров ин иттиҳоми нави мақомотро сиёсӣ номида мегӯянд, ки ба мисли дигар парвандаҳои мухолифини режими Эмомалӣ Раҳмонов ва ё фаъолони ҷомеаи шаҳрвандӣ дар фазои дурӯғ, пинҳонкорӣ, бо фишору шиканҷа нисбати гумонбарон ва шоҳидону наздикони онҳо сохтаву бофта шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Нигаронии Тоҷикистон аз озору азияти муҳоҷирон дар Русия

Омбудсмени Тоҷикистон аз поймолшавии ҳуқуқи муҳоҷирон дар Русия изҳори нигаронӣ кард.

Сафари Эмомалӣ Раҳмон ба Туркманистон

Президенти Тоҷикистон дар раъси як ҳайати баландпояи кишвар бо сафари кори озими Туркманистон шуд.

Додгоҳе дар Белгия монеи истирдоди зани тоҷик шуд

Як додгоҳ дар Белгия бо судури ҳукм нагузошт зани тоҷик ба Тоҷикистон истирдод шавад.

Боздошти як гурӯҳе, ки аз муҳоҷирон бо зӯр пул меситониданд

Вазорати корҳои дохилии Тоҷикистон аз боздошти як гурӯҳи созмонёфтаи ҷиноӣ хабар дод, ки дар Русия аз ҳамватанони муҳоҷир зӯран пул мегирифтаанд.