32.9 C
Dushanbe

Бо “Облава” нашуд, парвандаи ҷиноятӣ боз мекунанд

Додгоҳи олии Тоҷикистон бо нашри иттилоияе хабар дод, ки дар мавсими даъвати баҳории ҷавонон ба артиш дар соли ҷорӣ нисбати 50 ҷавон барои саркашӣ аз рафтан ба хидмат парвандаи ҷиноятӣ боз кардааст.

Додситонии кулли кишвар хабар дод, ки дар давраи даъвати баҳории соли 2021 дар ҷумҳурӣ 2427 нафар даъватшавандагоне, ки аз даъват ба хизмати ҳарбӣ саркашӣ намудаанд, “бо роҳҳои фаҳмондадиҳӣ” ба артиш ҷалб шуданд.

Хабари парванда боз шудан нисбати наваскарон дар ҳолест, ки аксари мақомот комиссариатҳои ҳарбӣ аз иҷро шудани 100%-и нақшаи даъвати ҷавонон ба артиш хабар дода буданд.

Ҳамасола дар Тоҷикистон дар мавсимҳои даъват ба артиш наворҳое дар шабакаҳои иҷтимоӣ роҳ меёбад, ки дида мешавад мақомоти комиссариатҳои ҳарбии кишвар бо кумаки дигар сохторҳои қудратӣ ҷавононро дар кӯчаву бозорҳо дастгир намуда, зӯран ба артиш мебаранд.

Ин ҳам дар ҳолест, ки имсол Тоҷикистон ба мисли Қазоқистон, Узбекистон ва Қирғизистон хидмати “алтернативӣ”-и ҳарбӣ, яъне пулакиро ҷорӣ кард, ки арзиши ин навъи хидмати сарбозӣ 25 ҳазор 200 сомониро (420 нишондиҳанда барои ҳисобҳо, як нишондиҳанда дар ҳоли ҳозир 60 сомонӣ мебошад) ташкил дода, маблағ метавонад вобаста ба тағирёбии нишондиҳандаи ҳисобҳо иваз шавад.

Ҳоло дар Тоҷикистон шумораи умумии ҳарбиён 9 ҳазор нафар гуфта мешавад. Илова бар ин, 151,1 ҳазор ҷавонони Тоҷикистон ба синни сарбозӣ расидаанд.

Ҳамасола дар сафи Қувваҳои мусаллаҳи ҶТ чандин нафар шиканҷа ва бар асари он ҷон медиҳанд. Ҳатто ҳолатҳои гум шудани афсарон низ вуҷуд дорад. Бештари ҷавонони тоҷик аз сабаби бад будани шароити хидмат аз артиш мегурезанд ва мақомот бо тарзи маҷбурӣ ё “облава” ҷавононро ба артиш сафарбар мекунад, ки ин амали мақомдорон ҳамеша дар ҷомеа мавриди баҳс қарор мегирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.