16.9 C
Dushanbe

Баррасии парвандаи Муҳаммади Султон дар Душанбе

Имрӯз, 7-уми сентябр мурофиаи аввали  рӯзноманигор Мамадсултон Мавлоназаров маъруф ба Муҳаммади Султон дар Додгоҳи ноҳияи Синои Душанбе баргузор шуд.

Бино ба иттилои Радиои Озодӣ ба хабарнигорон иҷозаи вуруд ба толори додгоҳро надодаанд. Ин дар ҳолест, ки намояндагони додгоҳ ба пайвандони Мамадсултон Мавлоназаров гуфта буданд, ки мурофиа ба таври боз баргузор мегардад.

Гуфта мешавад, мақомот ин рӯзноманигорро ба “Даъвати оммавӣ барои амалӣ кардани фаъолияти экстремистӣ тариқи интернет (қисми дуи моддаи 307-и Кодекси ҷиноӣ) ва Таҳқири ҳокимияти давлатӣ тариқи шабакаҳои иҷтимоӣ (қисми дуи моддаи 330-и Кодекси ҷиноӣ)” муттаҳам кардаанд.

Худи Муҳаммади Султон як ҳафта пеш ҳангоми мулоқот бо бародараш дар Боздоштгоҳи муваққатӣ, айбномаи мақомотро рад кардааст.

“Аз саломатӣ шикоят накардааст. Гуфтааст, гуноҳ надорад ва ҳар чизе дар Фейсбук навишт, ҳанӯз ҳаст ва ҳар кас метавонад ба он баҳо диҳад. Хулоса, тундгароӣ накарда, намояндаи ҳокимияти давлатиро низ таҳқир накардааст,”- гуфтааст яке аз пайвандони Муҳаммади Султон ба Радиои Озодӣ.

Рустами Ҷонӣ рӯзноманигори тоҷик навишта буд, ки Мамадсултон Мавлоназаров дар паёмаш аз зиндон гуфтааст, ки  “Ҳарчи навишта ва гуфтааст воқеият буда, ҳарфе аз каломашро пас намегирад.” Ӯ ба кормандони амният ҳангоми бозпурсӣ гуфтааст, ки аз онҳо наметарсад ва ба ҳар чӣ бо ӯ карданианд омодааст.

Мамадсултон Мавлоназаров, зодаи Вилояти Мухтори Кӯҳистони Бадахшон буда, рӯзи 16-уми июн аз ҷониби маъмурони интизомӣ боздошт шуд.

Ин рӯзноманигор дар солҳои 70-ум асри гузашта дар рӯзномаи “Комсомоли Тоҷикистон” кор кардаааст. Сипас ба кор дар Кумитаи давлатии амнияти миллӣ ҷалб шуда, онҷо 25 сол адои вазифа карда, рутбаи полковникро дарёфт кардааст.

Мамадсултон Мавлоназаров бо вуҷуди он ки дар ҳоли бознишастагӣ қарор дошт, яке аз корбарони фаъоли шабакаҳои иҷтимоӣ буд ва пайваста хеле аз рафторҳои ноҷои мақомотро танқид мекард ва дар бораи ҳодисаҳои Бадахшон низ менавишт.

Вай чанд бор эълон карда буд, ки мавриди фишор ва бозҷӯӣ қарор гирифтааст. Ӯ яке аз касоне, ки буд дар дохили кишвар ошкоро аз Саймуъмин Ятимов, раиси КДАМ низ танқид мекард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.