16.9 C
Dushanbe

Оғози даргирии шадид байни Арманистону Озарбойҷон

Рӯзи сешанбе 16-ноябр байни нерӯҳои Арманистон ва Озарбойҷон таниши ҷадид ба вуҷуд омад, ки дар натиҷа он ба задухӯрди шадиди ҷонибҳо оварда расонд. Ҳарду ҷониб якдигарро дар оғози ҷанг айбдор мекунанд.

Иттиҳоди Аврупо ва дигар кишварҳо хостори эълони оташбаси фарӣ шуданд. Арманистон аз Русия хост барои эҷоди оташбас мудохила кунад.

Вазорати дифои Арманистон шоми сешанбе эълом кард, ки бо миёнҷигарии Русия ду ҷониб ба тавофуқ расиданд, ки тирандозӣ дар марзи шарқии Арманистон хотима дода шавад.

Бино ба гузориши “Ройтерз” ба нақл аз намояндаи Парлумони Арманистон дар ин ҷанг 15 сарбози Арманистон ҷон бохта беш аз 10 нафар асир шудаанд. Ҷониби Озарбойҷон танҳоаз захмӣ шудани ду сарбозаш хабар дод. Дар ҳоле, ки нерӯҳои арманӣ мегӯянд, ба нерӯҳои озарбойҷонӣ талафоти сангин ворид кардаанд.

Гуфта мешавад, барои ба эътило овардани вазъ худи Раисҷумҳури Русия Владимир Путин бо мақомоти ду тараф вориди гуфтугӯ шудааст. Арманистон иддао дорад, заминҳояш аз ҷониби Озарбойҷон ғасб шудаанд ва аз Русия хоста, ки аз тамомияти арзии Арманистон тибқи тавофуқномаи соли 1987 (дифоъи мутақобил) ҳимоят кунад.

Русия дар Арманистон пойгоҳи низомӣ дорад ва инчунин Нерӯҳои ҳофизи сулҳаш низ дар Қарабоғи Кӯҳӣ мустақаранд.

Соли гузашта низ бар сари минтақаи Қарабоғи Кӯҳӣ байни ин ду кишвари ҳамсоя ҷанги хунине сурат гирифт, ки бо кушта шудани 6500 нафар дар ин минтақа ва шикасти Арманистон анҷом ёфт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.