22.9 C
Dushanbe

Оғози сафари Эмомалӣ Раҳмон ба вилояти Суғд

Имрӯз, 9-уми августи соли 2022 Президент, Эмомалӣ Раҳмон ба шаҳру ноҳияҳои вилояти Суғд сафари корӣ анҷом дод. Дар ин бора Хадамоти матбуоти Президент хабар дод.

Акс аз Хадамоти матбуоти Президенти Тоҷикистон

Гуфта мешавад, ҳадаф аз ин сафар иштироки Эмомалӣ Раҳмон дар маросими ифтитоҳи иншооту корхонаҳо, боздид аз ҷараёни корҳои кишоварзӣ, истеҳсоли маҳсулоти озуқаворӣ ва захира кардани онҳо мебошад. Инчунин қарор аст Раҳмон бо сокинони ҳар минтақа вохӯрӣ низ анҷом диҳад.

Эмомалӣ Раҳмон сафари худро аз шаҳри Бустон оғоз карда, чанд иншооту корхонаҳои хусусиро дар ин шаҳр ифтитоҳ карда, пас аз он ба ноҳияи Бобоҷон Ғафуров сафар кард. Дар ин ноҳия Раисҷумҳур ба боғи себу бодом ва ангурзорҳо сар зада, низ аз чанд хоҷагиҳои деҳқонии дигар боздид кард.

Дар ҷараёни вохӯрӣ бо деҳқонон Раисҷумҳур аҳамиятнокии боғдорӣ ва кишоварзӣ дар кишварро ба деҳқонон ёдрас кардааст.

Аммо ба назари коршиносони мустақил сафарҳои Эмомалӣ Раҳмон ба шаҳру ноҳияҳои кишвар ва иштироки ӯ дар бозкушоии корхонаву фурӯшгоҳҳо бештар хислати худнамоӣ дошта, одатан пас аз рафтани ӯ он корхона ва ё фурӯшгоҳ барҳам мехӯрад.

Ба гуфтаи таҳлилгарони мустақил, ҳатто онҳое ҳам, ки дар вохӯриҳо бо Эмомалӣ Раҳмон суҳбат мекунанд, мақомоти амниятӣ моҳҳо бо ӯ кор кардаанд ва як килима ҳам аз рӯи варақ берун сухан намегӯяд. Аз ин рӯ, маҳол аст Эмомалӣ аз мушкилоти воқеии мардум огоҳ шаваду баҳри рафъи онҳо талош кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.