-1.1 C
Dushanbe

Охири моҳи ҷорӣ Раҳмон ба Русия сафар мекунад. Чаро?

Расонаҳои дохилии кишвар 20-уми декабри соли ҷорӣ бо такя ба Котиби матбуоти Президент хабар доданд, ки Эмомалӣ Раҳмон дар охири моҳи ҷорӣ ба Русия сафар карданист.

Гуфта мешавад, 26-уми декабри соли ҷорӣ дар шаҳри Санкт – Петербурги Русия нишасти ғайрирасмии раҳбарони кишварҳои Иттиҳоди Давлатҳои Мустақил баргузор мегардад ва қарор аст Раҳмон низ дар ин нишаст ширкат кунад.

Абдуфаттоҳ Шарифзода, сухангӯи раисҷумҳури Тоҷикистон ба расонаҳо гуфта, ки “Эмомалӣ Раҳмон ду рӯз – 25-26-уми декабр дар пойтахти фарҳангии Русия хоҳад буд.”

Аммо то ҳол расонаҳои расмии давлатӣ дар бораи ин сафари онядаи раисҷумҳур ва барномаи он иттилооте нашр накардаанд. Ва дақиқан маълум нест Путин, ки камтар аз як моҳ пеш бо сарони кишварҳои Осиёи Марказӣ мулоқот карда буд, боз бо онҳо чӣ гуфтан мехоҳад. Танҳо дар расонаҳои русӣ ҳамин гуфта мешавад, ки дар ин мулоқот “сарони кишварҳои Иттиҳоди Давлатҳои Мустақил масъалаҳои мубрами рӯзмарраро дар фазои ғайрирасмӣ муҳокима хоҳанд кард.”

Эмомлӣ Раҳмон бори охир 21-уми ноябри соли ҷорӣ ба Русия сафар карда, бо Путин мулоқотҳои дуҷониба дошт. Коршиносон дар давоми як моҳ ду маротиба ба Русия сафар кардани Эмомалӣ Раҳмонро бесабаб намедонанд.

Ба иттилои расонаҳо, нишасти сарони кишварҳои узви ИДМ ҳар сол дар охири моҳи декабр баргузор мегардад. Ва соли гузашта низ рӯзҳои 26 ва 27-уми декабр дар шаҳри Санкт-Петербург баргузор шуда буд. Аммо, ба гуфтаи таҳлилгарон, агарчи ин нишаст ҳамасола анҷом мешавад, вале пас аз шуруи ҷанги Русия бо Украина ва таҳрим шудани ин кишвар аз ҷониби Амрико ва Ғарб, Путин ҳарчи бештар талош дорад, кишварҳои узви ИДМ-ро ба худ наздиктар кунад ва ин аст, ки давоми сол мулоқоти ӯ бо раҳбарони ин кишварҳо бештар шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷазои сахт ба ҷавоне, ки ба Муфтӣ ҳамла карда буд

Рӯзи 7-уми феврал раиси Шӯрои уламои кишвар Саидмукаррам Абдулқодирзода дар намози ҷумъа гуфт, ҷавоне, ки бо корд дар дохили масҷид ба ӯ ҳамла карда буд, 26 сол зиндонӣ шудааст.

Сабти номзадҳо ба вакилӣ ва бойкоти интихобот

Комиссияи марказии интихобот ва раъйпурсии Тоҷикистон аз сабти 68 номзад аз рӯйхати ҳизбӣ хабар дод.

Додани маводи мухаддир ба кудакон дар мактабҳо. Рост ё дуруғ?

Хабари додани маводи мухаддир дар қолаби қандакҳо ба кӯдакон аз аввалҳои соли ҷорӣ дар расонаҳо ва гурӯҳҳои фейсбукии тоҷикӣ паҳн шуда истодааст.

Озорбойҷон бар зидди Русия шикоят мебарад

Мақомоти Озарбойҷон аз омодагии худ барои пешниҳоди даъво алайҳи Русия ба Додгоҳи байналмилалӣ ҷиноӣ хабар дод.