31.9 C
Dushanbe

Шартҳои Фаронса барои эътирофи Толибон

Фаронса барои эътирофи Толибон шарт гузоштааст, ки бояд эҳтироми ҳуқуқи занон ва касоне, ки мехоҳанд Афғонистонро тарк кунанд, озод гузошта шаванд.

Президенти Фаронса Эммануэл Макрон дар бораи шарттҳои эътирофи Толибон сӯҳбат карда аст. Фаронса, ки яке аз кишварҳои ҳампаймони стратегии Амрико мебошад, раисҷумуҳураш дар мусоҳиба бо “TF1”  гуфт, ки кишвараш мунтазири эҷоди минтақаи амн дар фурӯдгоҳи Кобул аст ва шартҳои кишвараш барои этирофи Толибонро ироа карда аст.

Макрон мегӯяд, кишвараш мехоҳад минтақаи амн дар назди СММ барои идомаи амалиёти башардӯстона дар Кобул таъсис шавад ва афзуд, ки қарор аст имрӯз дар ҷаласаи изтирории Амнияти СММ қатъномаи муштарак бо Бритониё ба Шӯро пешниҳод карда шавад. Дар назар аст имрӯз душанбе Шӯрои Амнияти СММ барои баррасии вазъи Афғонистон нишаст барпо кунад.

Макрон ҳамчунин ба аҳамияти тавони ташкили амалиётҳои мақсадноки башардӯстона барои анҷоми тахлияҳое, ки тавассути фурудгоҳи низомии Кобул амалӣ нашудаанд, ишора кард. Раисҷумуҳури Фаронса мегӯяд, ки ҳоло касе, ки бар Афғонистон тасаллут дорад Толибон ҳаст ва ба ҳамин хотир мо бояд бо онҳо гуфтушунид кунем, аммо ин маънои эътирофи онҳоро надорад.

Ба гуфтаи Макрон Фаронса барои эътирофи Толибон шартҳои худро дорад, аз ҷумлаи шартҳое, ки Макрон ба миён гузоштааст, ин “эҳтироми Толибон ба ҳуқуқи инсон ва таъмини амнияти онҳое, ки дархости паноҳандагӣ кардаанд, бояд озодона Афғонистонро тарк кунанд. Мавқеъи ошкор нисбати ҳама созмонҳои террористӣ” ва “эҳтироми ҳуқуқи занон мебошанд.

Дар ҳамин ҳол сухангӯи дафтари сиёсии Толибон дар Қатар Муҳаммад Наим гуфта, ки ҷанг дар Афғонистон ба поён расидааст ва ҳеч зарурате ба таъсиси минтақаи амн дар фурӯдгоҳи Кобул вуҷуд надорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.