32.9 C
Dushanbe

Оқибати ҷанҷоли тоҷикон бо чеченҳо

Муноқишаи оммавии муҳоҷирон, ки гуфта мешавад дар байни онҳо тоҷикон ва чеченҳо ҳузур доранд дар Санкт -Петербург бо ихроҷи 33 нафар хотима нахоҳад ёфт.

Пас аз занозаниҳои оммавӣ дар Санкт -Петербург 33 муҳоҷири Тоҷикистон ихроҷ карда мешавад. Эҳтимол меравад, вуруди онҳо ба Русия то 50 сол манъ гардад. Дар ин бора Олег Капитанов, раиси Кумитаи равобити байналмилалӣ ва татбиқи сиёсати муҳоҷират дар саҳифаи “ВКонтакте”-аш хабар дод.

Ба гуфтаи ӯ айни замон “33 шаҳрванди Ҷумҳурии Тоҷикистон дар боздоштгоҳи муваққатии шаҳрвандони хориҷӣ ҷойгир ва мунтазири ҳукми додгоҳ ҳастанд, ки бо эҳтиомли зиёд онҳо аз Русия депортатсия мешаванд,” – менависад Олег Капитанов.

Бино ба иттилои ин намояндаи расмӣ мақомоти Санкт -Петербург муноқишаи байни шаҳрвандони Тоҷикистон ва Чеченистонро, ки аз ҳарду ҷониб 40 нафар иштирок доштанд, баррасӣ кардаанд.

Тибқи маълумоти мақомоти Санкт-Петербург занозанӣ шоми 28-уми июл дар меҳмонхонаи “Белые ночи” дар хиёбони Большевики ин шаҳр ба вуқуъ пайваст. Полис 140 нафарро аз меҳмонхона боздошт ва 74 протоколи маъмурӣ тартиб додааст.

Қаблан гузориш шуда буд, ки задухурди гурӯҳӣ ва мусаллаҳонаи муҳоҷирони тоҷик бо қафқозиҳо дар Маскав низ сурат гирифта, дасти кам се нафар аз чеченитаборҳо захмӣ шуда буд. Мақомот иштирокчиёни ин муноқишаро бо ҳукми суд то 40 сол ихроҷ (депортатсия) кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.