30.9 C
Dushanbe

Омодагии СММ барои ироаи кумакҳои техникӣ

Нооромиҳои Афғонистон дар манотиқи назди сарҳдӣ бо Тоҷикистон Созмони Милали Муттаҳидро нигарон кардааст.

Созмони Милали Муттаҳид омодагии худро ҷиҳати расонидани кумакҳои техникӣ ба сарҳадбонони Тоҷикистон эълом кардааст. Дар ин бора Вазорати хориҷаи Тоҷикистон хабар додааст.

Ба гузориши ин манбаъ, дирӯз, 6-уми июл Ашита Миттал, Намояндаи минтақавии Дафтари Созмони Милали Муттаҳид дар умури маводди мухаддир ва ҷинояткорӣ дар Осиёи Марказӣ (UNODC) бо сафири Тоҷикистон дар Ӯзбекистон Абдуҷаббор Раҳимзода мулоқот карда, аз вазъи ба вуҷуд омада дар сарҳад ибрози нигаронӣ кардааст.

Дар ин мулоқот «ҷонибҳо ҳамчунин аз раванди рушди ҳамкорӣ миёни Тоҷикистон ва UNODC изҳори қаноатмандӣ карда, масоили тақвият додани иқдомҳоро дар мубориза бо гардиши ғайриқонунии маводди мухаддир, мудирияти сарҳад ва такмили иқтидори миллӣ мавриди баррасӣ қарор доданд.»

Нооримоҳо дар Шимоли Афғонистон ва пешравии нерӯҳои Ҳаракати Толибон дар ин кишвар ҳукумати Тоҷикистонро низ нигарон кардааст. 5-уми июл Эмомалӣ Раҳмон супориш дод, ки 20 ҳазор нерӯҳои эҳтиётӣ ба марз фиристод шавад.

Тоҷикистон аз соли 1991 узви комилҳуқуқи Созмони Милали Муттаҳид аст ва ҳамзамон дар рафти музокироти сулҳ Тоҷикон дар солҳои 1993-1997 СММ яке аз кафилони сулҳ дониста мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Додгоҳ эътироф кард, ки Розиқов бо шиканҷа кушта шудааст

Додгоҳи шаҳри Кӯлоб эътироф карда, ки Абдуқаҳҳор Розиқови 37-сола,...

Дар Қирғизистон аз як кӯдето пешгирӣ шудаст

Кумитаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.

Мулоқоти Эмомалӣ Раҳмон бо Содир Ҷаббор дар Қирғизистон

Президенти Тоҷикистон, Эмомалӣ Раҳмон, ки бо сафари корӣ дар Қирғизистон қарор дорад, бо президенти ин кишвар Содир Ҷабборов дар шаҳри Чолпон-Ата бо ҳам мулоқот карданд.