35.9 C
Dushanbe

Оморҳо дар бораи рушди иқтисоди Тоҷикистон аз ҳам фарқ мекунанд. Чаро чунин аст?

Сурат: medt.tj

Вазири рушди иқтисод ва савдои Тоҷикистон Завқизода Завқӣ Амин бо роҳбари миссияи Хазинаи Байналмилалии Асъор (ХБА) оид ба Ҷумҳурии Тоҷикистон хонум Падамжа Ханделвал тариқи видеоконфронс  мулоқот анҷом додааст. Дар ин бора Вазорати рушди иқтисод ва савдои Тоҷикистон дар сомонаи худ хабар дод.

Бино ба навиштаи ин Вазорат, дар мулоқот масъалаҳои иқтисодӣ, ҷамъбасти натиҷаҳои макроиқтисодӣ дар 9 моҳи соли 2020, таъсири пандемияи коронавирус дар иқтисоди ҷаҳон, ислоҳоти анҷомдодашуда ва чораҳои зиддибӯҳронии Ҳукумати Ҷумҳурии Тоҷикитсон ва масоили дигарро мавриди баррасӣ қарор доданд.

Гуфта шудааст, бо вуҷуди андешидани тадбирҳои зарурӣ таъсири пандемияи коронавирус дар ҷаҳон ба соҳаҳои иқтисоди миллӣ, бахусус соҳаҳои молия, савдо ва хизматрасонӣ, аз ҷумла боркашонию мусофиркашонӣ зиёд дида мешавад.

Дар идмоа мулоқот рушди иқтисоди Тоҷикистон дар нуҳ моҳи соли 2020 мавриди таҳлил қарор гирифтаст. Тибқи гуфтаи Завқизода рушди иқтисоди Тоҷикистон давоми нуҳ моҳи соли ҷорӣ 4,2 дарсад будааст, ки нисбат ба ҳамин давраи соли гузашта 3 банди фоизӣ кам гардидааст, ки дар сурати сари вақт роҳандозӣ нагардидани чораҳои зиддибӯҳронӣ рушди иқтисоди миллӣ дар нуҳ моҳи соли 2020 эҳтимол ба 1,2 фоиз ба ҷои 4,2 фоиз баробар мегардидааст.

Ҳамчунин қайд гардидааст, ки ХБА дар асоси натиҷаҳои рушди иҷтимоию иқтисодӣ дурнамои худро оид ба рушди иқтисодии Тоҷикистон бозбинӣ намуда, онро аз 2 дарсад таназзули қаблӣ то ба 1 дарсади рушд баланд намудааст.

Ин дар ҳолест, ки  моҳи июни соли равон ХБА дурнамои рушди иқтисодии кишварҳои ҷаҳонро нашр намуда, рушди Тоҷикистонро – 2 дарсад пешбинӣ карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.