36.9 C
Dushanbe

Оштии Теҳрону Риёз дар Душанбе

Пас аз барқарор шудани робитаҳои Теҳрону Риёз инак сафири Арабистони Сауди дар Тоҷикистон меҳмони сафорати Ҷумҳурии исломии Эрон шудааст.

Сафири Ҷумҳурии исломии Эрон дар Тоҷикистон дар саҳфаи твиттриаш хабар додааст, ки сафири Арабистони Саудӣ яке аз меҳмонони вежаи ин сафорат дар айёми наврӯзӣ будааст.

Муҳаммадтақӣ Собирӣ, сафири Эрон дар Тоҷикистон иттилоъ дода, ки “мизбони сафири муҳтарами Арабистони Саудӣ дар маросими ҷашни Наврӯз 1402 (2023) дар сафорати Ҷумҳурии Исломии Эрон дар Ҷумҳурии Тоҷикистон будем.”

Ба гуфтаи Собирӣ, “равобити Ҷумҳурии Исломии Эрон ва Арабистони Саудӣ ба унвони ду кишвари таъсиргузор ва муҳимми ҷаҳони ислом дар минтақаи Ғарби Осиё метавонад заминасози иҷоди раванди ҷадид ва нақши афзоянда дар хидмат ба манофеи кишварҳо ва миллатҳои минтақа бошад.”

Дар ин аксҳо дида мешавад, ки сафири Ҷуҳумҳурии исломӣ, ҳамчун мизбон бо чеҳрае пур аз фараҳ ва хандон сафири Саудиро хеле самимона истиқбол, пазироӣ ва ба оғӯш мегирад.

Гуфта мешавад, вақте 7 сол пеш муносибатҳои Эрон бо Тоҷикистон сард ва бо Арабистони Саудӣ қатъ гаридида буд, собиқ сафири Арабистони Саудӣ дар Тоҷикистон гуфта буд, ки мо тавонистем Эронро аз Тоҷикистон, як кишвари форсизабон берун ронем. Аммо акнун бо миёнҷигарии Чин ду ҳафта пеш муносибатҳои ду кишвар аз нав барқарор гардид ва сафоратҳои ду кишвар ҳам оштӣ карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишор болои наздикони фаъолони зодаи Бадахшон

Мақомоти Тоҷикистон фишор болои хонаводаҳои зодагони Вилояти Мухтори Кӯҳистони Бадахшонро, ки дар хориҷ аз Тоҷикистонанду дар ҷустуҷӯ қарор доранд, сахттар кардааст.

Тазоҳуроти фаъолон дар Олмон: Ҳамкорӣ бо Тоҷикистон қатъ шавад!

Гурӯҳе аз фаъолон дар Олмон бо баргузории тазоҳурот ва дархости озодии Абдуллоҳи Шамсиддин, хостори қатъи ҳамкорӣ бо Тоҷикистон шуданд.

Муттаҳидони Русия ҳамлаҳои Исроил ба Эрон ва Ғаззаро маҳкум карданд

Раҳбарони кишварҳои узви гурӯҳи БРИКС дар як баёнияи муштарак...

Боздошти ду ҷавони тоҷик дар Русия бо иттиҳоми озори ноболиғон

Пас аз баргузории ҷашнвораи фарҳангии тоҷикон дар шаҳри Красноярски Русия, ду ҷавони тоҷик бо иттиҳоми озору азияти ду духтари 14-сола боздошт шудаанд.