Бинобар гузориши “Тулӯъ-ниюз” Зулмай Халилзод, намояндаи вижаи ИМА барои сулҳи Афғонистон имрӯз чаҳоршанбе 1-уми июл дар саҳифаи тивтраш хабар дода, ки дар масъалаи сулҳи Афғонистон бо вазирони хориҷии ҷумҳуриҳои Осиёи Марказӣ, Тоҷикистон, Узбекистон, Қирғизистон, Туркманистон ва Қазоқистон дидору гуфтугӯ кардааст.

Ӯ гуфтааст, ки зимни нишаст бо намояндагони баландпояи давлатҳои Осиёи Марказӣ дар бораи дастовардҳои ахири раванди сулҳи Афғонистон, нақши муҳими Осиёи Марказӣ дар раванди сулҳ ва баъд аз он ва тавсеаи тиҷорату дигар масоил суҳбат анҷом додааст.

Ба гуфтаи ӯ Амрико ва Осиёи Марказӣ ба оғози музокирот байни афғонҳо ниёз хоҳанд дошт, ки муштаракан барои тарвиҷ ва ташвиқи як тафоҳуми сиёсӣ кор кунунанд. Халилзод меафзояд, ки дар ин нишаст гуфтааст, суботи ва мураффаҳ дар Афғонистон ва амнияту рафоҳ дар Осиёи Миёна муҳим ҳастанд ва ҳамкории кишварҳо бо Афғонистон ба нафъи минтақа ва Амрико аст.

Ҳамзамон рӯзи сешанбе вазири хориҷии Амрико Майк Пампео бо Муллобародар, муовини сиёсии гурӯҳи толибон гуфтугӯ кардааст.

Аммо дар ин авохир ҳамалаҳои Толибон афзоиш ёфтааст, дар ин бора Дафтари шӯрои амнияти миллӣ гуфт, шумори талафоти ғайри низомӣ ҳудуди 20 тан дар як шабонарӯз будааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.