Доналд Трамп, раисҷумҳури тозаинтихоби Амрикон ба Владимир Путин дар робита ба ҷанг дар Украина ҳушдор дод.
21-уми январи соли 2025, Доналд Трамп, раисиҷумҳури ҷадиди Иёлоти Муттаҳидаи Амрико изҳор дошт, ки агар Владимир Путин, раисиҷумҳури Русия, аз музокирот барои хотима додан ба ҷанг дар Украина сарпечӣ кунад, эҳтимол аст таҳримҳои наве алайҳи Маскав ҷорӣ карда шаванд.
Трамп дар изҳороташ таъкид кард, ки ҳалли низоъ тавассути музокирот метавонад ба манфиати ҳамаи ҷонибҳои даргир бошад. Дар акси ҳол, ҷорӣ намудани таҳримҳои сахттар метавонад посухи ҷиддӣ ба саркашии Русия аз музокирот бошад.
Ин изҳорот дар ҳоле садо медиҳад, ки танишҳо байни Амрико ва Русия дар робита ба ҷанги Украина ва масъалаҳои дигари байналмилалӣ идома доранд. Аз сӯи дигар, худи Тромп изҳор дошт, ки то кунун Амрико ба Украина кумакҳои зиёде кардааст ва акнун вақти он расида, ки Иттиҳоди Аврупо низ ҳаҷми кумакҳои худ ба Украинаро афзоиш диҳад.
Гуфта мешавад, ҷорӣ шудани таҳримҳои зиёд алайҳи Русия ва маҳдуд кардани бозори тиҷорати хориҷии он ҳам ба шаҳрвандон ва ҳам ба иқтисоди ин кишвар зарбаи сангин мезанад. Бархе коршиносони тоҷик мегӯянд, зарари ин таҳримҳо аз ҳама бештар ба муҳоҷирони кории тоҷик, ки теъдоди онҳо дар Русия беш аз ду миллион арзёбӣ мешавад, низ таъсири бади худро мерасонад.
Гуфта мешавад, мавқеи Доналд Трамп аз ҷониби коршиносон ҳамчун талоши дигарбора роҳандозии фишорҳо ба Маскав баҳогузорӣ мешавад. Дар давоми ин ҷанг, ки тақрибан се сол мешавад идома дорад, Амрико ва муттаҳидонаш даҳҳо навъи таҳримро алайҳи Русия ва бархе мақомоти он ҷорӣ кардаанд, аммо Русия бидуни имтиёз ба ин ҷанг хотима додан намехоҳад.
