26.9 C
Dushanbe

Озмоиши коронаи тими занони футболбози эронӣ пеш аз омадан ба Тоҷикистон

Занони навҷавони футболбози эронӣ қабл аз сафар ба Тоҷикистон аз озмоиши коронавирус гузаштанд.

Тибқи гузориши хабаргузории “Форс”, аъзои тими миллии футболи духтарони навраси Эрон, ки рӯзи сешанбе бо мақсади ҳузур дар мусобиқоти САFA роҳии Точикистон хоҳад шуд, аз озмоиши корона гузаштанд.

Гуфта мешавад, аъзои тими футболи навҷавонони эронӣ имрӯз озмоиш доданд ва пас аз эъломи натиҷаи озмоишҳо рӯзи сешанбе ба Тоҷикистон меоянд.

Мусобиқаи байналмилалии духтарон CAFA дар Душанбе бо ширкати дастаҳои Тоҷикистон, Эрон, Узбекистон, Қирғизистон ва Афғонистон дар Душанбе баргузор мегардад.

Дастаи мунтахаби футболи навҷавонони духтаронаи Эрон дар даври охирини мусобиқаи CAFA тавонистанд унвони қаҳрамониро ба даст оваранд ва акнун умедвор ҳастанд, ки дар мусобиқаи оянда унвони қаҳрамонии худро ҳифз кунанд.

Ёдовар мешавем, ки анҷумани футболи Осиёи Марказӣ ки моҳи июни соли 2014 таъсис ёфта аст, ба яке аз панҷ минтақаи конфедросиюни футболи Осиё (AFC) шомил аст.

CAFA федросиюнҳои футболи шаш кишвари Афғонистон, Қирғизистон, Тоҷикистон, Туркманистон, Узбекистон, ва Эронро муттаҳид мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.