Расонаҳои русӣ бо нашри як навори видеоӣ аз озмоиши сомонаи зидди мушакаии Дар ин навор дида мешавад, ки низомиёни пойгоҳи ҳарбии 201 Русия воқеъ дар Тоҷикистон бо анҷоми як амалиёт ҳамлаи ҳавоии як душамани ифтирозии худро аз байн мебаранд. Пеш аз ин дар моҳи апрели соли 2021 созишномаи таъсиси низоми ягонаи дифои ҳавоӣ байни Русия ва Тоҷикистонро вазири мудофиаи Тоҷикистон Шералӣ Мирзо бо ҳамтои русиаш Сергей Шойгу имзо карда буданд. Сипас 12-уми ноябри соли 2021 Ҳукумати Русия эълон карда буд, ки созишномаи миёни ин кишвар ва Тоҷикистон дар бораи таъсиси низоми ягонаи дифои зиддиҳавоиро тасдиқ кардааст. Гуфтанист, сомонаи зидди мушакии “S-300”-и Русия дар Тоҷикистон ҳам дар доираи ин созишномаи байни ду кишвар дар Пойгоҳи низомии 201 Русия мусатаққар шуда, аз он ҷо идора карда мешавад. Ин дар ҳолест, ки 27-уми январи соли ҷорӣ ҳангоми сар задани низоъҳо дар шаҳри Исфара Кумитаи давлатии амнияти миллии Тоҷикистон эълон карда буд: “Парвозҳои ҳавопаймоҳои бесарнишин бо вайрон кардани ҳарими ҳавоии Ҷумҳурии Тоҷикистон ба қайд гирифта шуданд.” Аммо дар посух ба ин ҷониби Тоҷикистон амалан ҳеч аксуламале дар дифоъ аз ҳарими ҳавоии худ дар вақти низоъ нишон надод.
Озмоиши сомонаи зидди мушакии “S-300”-и Русия дар Тоҷикистон
