35.9 C
Dushanbe

Озодӣ ва бозгашти 12 шаҳрванди боздоштшудаи Қирғизистон ба ин кишвар

12 шаҳрванди Қирғизистон, ки дар Тоҷикистон боздошт шуда буданд ба ватанашон баргардонида шуданд. Дар ин бора хадамоти матбуоти намояндаи ваколатдори ҳукумати Қирғизистон  дар минтақаи Ботканд хабар дод.

Гуфта мешавад, ки панҷ нафари боздоштшудаҳо зодагони вилояти Ботканд, ду нафари дигар аз Ӯш мебошанд. Ҳамчунин моҳи феврал ду сокини Бишкек озод карда шуда буданд.

“Дар Тоҷикистон шаҳрвандони мо айбдор дониста шуда, ба ҷарима маҳкум шуданд ва аз толори суд озод карда шуданд. Қаблан, пас аз музокироти ваколатдори ҳукумат дар вилояти Ботканд Омурбек Суваналиев бо ҳамтои тоҷики худ Раҷоббой Аҳмадзода се қирғизистонӣ ба ватани худ баргаштанд. Инҳо на дар қаламрави Ҷумҳурии Тоҷикистон, балки дар минтақаи марзӣ боздошт шуда буданд. Ба онҳо ҳушдор дода шуд ”, – гуфтанд дар ин бора аз хадамоти матбуоти намояндаи ваколатдори ҳукумат дар минтақаи Ботканд.

Дар ҳоли ҳозир 15 шаҳрванди Тоҷикистон дар Қирғизистон дар боздошт қарор доранд.

Ёдовар мешавем, ки 16 феврал дар қаламрави Ҷумҳурии Тоҷикистон панҷ шаҳрванди Ҷумҳурии Қирғизистон барои вайрон кардани марзи давлатӣ, ҳангоми кӯшиши ғайриқонунӣ содир кардани 900 кило металл, ду сар чорвои калони шохдор ва се саршумори чорвои майда боздошт шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.