35.9 C
Dushanbe

Паёмади коронавирус барои даҳсолаҳо боқӣ мемонад

Созмони ҷаҳонии беҳдошт эълом кард, ки режими ҳолати изтирории байналмилалӣ вобаста ба пандемияро то се моҳи дигар тамдид кардааст. Хабаргузории ТАСС менависад, ки рӯзи шанбеи 31 июл дар ҷаласаи Кумитаи умури изтирории СҶБ дар Женева ба чунин хулоса расидаанд.

Кумита бар ин натиҷа расидааст, ки пандемия то ҳоло ба саломатии мардум таҳдид мекунад, ки ин боиси ташвиш ва нигаронии ҷомеаи байналмилалӣ шудааст. Тавсияи тамдиди ин гуна режимро кумитаи мазкур ба мудири Созмон Тедро Адан Гебрейесус, ироа намуда ва Гебрейесус ба ин ризояд додааст. Мудири СҶБ  тазаккур додааст, ки пандемияи феълӣ ин “буҳроне” аст, ки дар сад сол як бор меояд ва пайомади он барои даҳсолаҳо боқӣ хоҳад монд.

Ӯ гуфтааст, айни ҳол хеле аз масоил дар ин робита роҳи ҳал пайдо кард, аммо боз мушкилоти фаровоне ҳаст, ки бояд бартараф бишавад.

Кумитаи умури изтирории СҶБ тавсия дода, ки зарфият ва фаъолияти кишварҳо ва созмонҳои байналмилалӣ ва минтақавӣ барои мубориза бо интишори коронавирус ҳамоҳанг карда шавад. Ҳамчунин барои ҳарчи сареътар анҷом додани пажӯҳиш ва корҳои илмӣ ҷиҳати муайян кардани маншаи ҳайвонӣ ва табиии коронавирис мусоидат карда шавад. Ин ҷаҳорумин ҷаласаи Кумитаи умури изтирории СҶБ мебошад.

Ин кумита аз 18 коршинос ва 13 мушовир таркиб ёфтааст. Ҳадафи он арзёбии ҳолати ҷории мубориза бо пандемия ва коркарди тавсия барои идомаи муқовимати муфид бо он аст.Ҷаласаҳои қаблӣ 22-23 январ, 30 январ ва 30 апрел доир шуда буд. Шурӯъ аз 30 январ бо тавсияи аъзои кумитаи СҶБ вобаста ба короновирус ҳолати изтирори ҷаҳонӣ эълом шуда буд.

Бархе коршиносон ва сиёсатмадорон, аз ҷумла Доналд Трамп, президенти Амрико СҶБ-ро барои хунукназарӣ дар амри ҷилавгирӣ ва огоҳ кардани кишварҳо аз хатари ҷиддии коронавирус гунаҳкор медонанд. Ҳоло бар асоси ҳисобҳои Донишгоҳи Ҷон Ҳопкинс дар саросари дунё аз ин беморӣ 680 ҳазор нафар фавтидааст ва теъдоди гирифторон ба 18 миллион наздик расид.

Пандемия аввали моҳи март замоне эълон шуд, ки коронавирус дар Аврупо босуръат паҳн шуд.Агарчанде СҶБ ҳанӯз моҳи январ вобаста ба коронавирус ҳолати фавқулодда эълон кард аммо мақомоти Тоҷикистон танҳо 30 апрел вуҷуди коронавирус дар Тоҷикистонро эътироф карданд. Аз ин ҷост, ки ҳоло ҳам оморе, ки мақомот дар хусуси фавтидаҳои коронавирус дар Тоҷикистон нашр мекунад, мавриди боварии мардум нест. Чун ба назари аксари коршиносон ин омор ба воқеият мухолиф аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.