Блоги шумо

Эмомалӣ Раҳмон ба Маскав пушт ва ба Брюссел рӯ меорад?

Президенти Тоҷикистон, ки ба назар мерасад тайи ду моҳи ахир раванди камтар кардани вобастагиҳои худ аз Кремлинро нисбат ба гузашта суръат бахшидааст, дар ин чанд рӯзи ахир зери фишорҳои Маскав қарор гирифтааст.

21-уми ноябри соли 2022 Хадамоти матбуоти Президенти Тоҷикистон бо нашри чанд аксу наворҳо ва нашри як матлаб хабар дод, ки Эмомалӣ Раҳмон дар ҳузури Вазири корҳои хориҷии Тоҷикистон ва яке аз муовинони он, нусхаи эътимодномаи Валерий Евдокимов, сафири фавқулъода ва мухтори Украинаро қабул кард.

Қабули нусхаи эътимодномаи сафири Украина тавассути Президенти Тоҷикистон дар ҳузури сафирони Иттиҳоди Аврупо Раймундас Кароблис, Ҷумҳурии Латвия Рейнис Трокша, Шветсия Томас Данестад, Ҷумҳурии Финляндия Илка Райсанен ва Юнон хонум Екатерина Насика, дар шаҳри Душанбе баргузор гардида буд.

Аз як сӯ, Эмомалӣ Раҳмон дар муддати 9 моҳи ҷанг дар Украина ва ҳамлаҳои сангину хунини Маскав алайҳи Киев дасти кам дар малаи ом ва ё дар рӯбарӯи расонаҳо хомӯширо ихтиёр карда буд, ин амалкарди Президенти Тоҷикстон маънои онро дошт, ки мехоҳад ба дунё бигӯяд, дар ин қазия Душанбеи расмӣ дар канори Украина аст ва таҷовузҳои Русия алайҳи ин кишварро маҳкум мекунад.

Аммо аз сӯи дигар, Маскав ҳам ин паёми Эмомалӣ Раҳмонро, ки бо пуштибонӣ ва ҳимоятҳои байналмилалӣ ва минтақавии Русия ба сари қудрат омада, 30 сол боз дар ҳолатҳои зарурӣ Кремлин ӯро барои ҳифзи қудрат бо кумакҳои пулӣ ва низомӣ таъмин мекунад, ин паёми Президенти Тоҷикистонро таҳдиде барои манофеи худ дар минтақа қабул кард.

Ҳамзамон ин паёми Эмомалӣ Раҳмон дар сатҳи дохилӣ ва минтақавӣ ин маъноро ҳам дошт, ки ҳар чанд Тоҷикистон дар ҳоли ҳозир наметавонад алайҳи Русия, ки бинобар камтар шудани тавоноии иқтисодиаш кумакҳои молиашро коҳиш додааст, мавзеъгирӣ кунад, вале ба хотири ҷалби манофеъ омодааст ба таври муваққат ҳам, ки бошад ба Маскав пушт кунад ва ба Брюссел рӯ биорад.

Биноан, 22-уми ноябри соли ҷорӣ, як рӯз пас аз эълони ин хабар Маскав ҳам шахси ғайри низомӣ не, балки Сергей Наришкин, Директори Хадамоти разведкаи берунии Федератсияи Русияро ба Душанбе фиристод, то дар ин бора бо Эмомалӣ Раҳмон рӯбарӯ суҳбат кунад.

Бо вуҷуди он ки Президенти Тоҷикистон ду моҳ қабл дар Остона аз ҳамтои русиаш хоста буд, ки нодида нагирад ва ҳаддиақал ӯро дар сатҳи вазирҳо қабул кунад, аммо ин дафъа ҳам Владимир Путин ба наздаш касеро фиристод, ки вазнаш камтар аз интизориҳои Эмомалӣ Раҳмон буд. Биноан, аз дидани ӯ рангаш парид, сеҳрааш турш шуд, аммо фоидааш надошт.

Ин суҳбати Сергей Наришкинро, ки лабхандҳои намакинаш дар худ чандин паёмҳои махсуси Кремлинро низ ба ҳамроҳ дошт, бақо ва идомаи салтанати Эмомалӣ Раҳмонро дар пойтахти Тоҷикистон зери суол бурд ва сардори оилаи ҳукмрон дар шаҳри Душанберо сахт нигарон кард ва онҳоро барои бақои худаш ҳамчун таҳдид қабул кард.

Сарони давлатҳои узви Созмони Аҳдномаи анияти дастаҷамъӣ, аз он ҷумла Эмомалӣ Раҳмон ҳам 23-уми ноябри соли ҷорӣ барои иштирок дар ҷаласаи ғайринавбатии Шӯрои Аҳдномаи Амнияти Дастаҷамъии ин созмон ба Арманистон рафт.

Мизбони ин "чойгаштак" бале, дар давоми дуюним моҳи ахир ин созмон чор маротиба бо баҳонаҳои мухталиф дар Маскаву Остона, ва сипас дар Самарқанду инак дар Ереван ҷамъ шудаанд, онҷо Эмомалӣ Раҳмонро дар паҳлӯи Владимир Путин ҷо доданд. Вай бо дидани ҳамтои русиаш шод не, балки паёмҳои Сергей Наришкин дубора ба ёдаш расида, нороҳатиаш зиёдтар шуд.

Акнун, ба ҷои хулоса, инро қайд кардан мумкин аст, ки чун Эмомалӣ Раҳмон дар зарфи ин чанд моҳи ахир худро нисбатан мустақилтар аз гузашта ба намоиш мегузорад, хоҷаи бузургаш дар Кремлин ин ҳамаро ҷасорат пиндошта, мехоҳад ба вай бигӯяд, ки бештар аз ин "ба намакдон туф накун", ношукрӣ кардан, сари соҳибашро ба бод медиҳад...

Амруллоҳи НИЗОМ, махсус барои Azda.tv

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Блоги шумо

Блоги шумо

Солрӯзи оғози қатлҳои ом дар Бадахшон

Блоги шумо

Аз дастори Толибон то "галстук"-и Раҳмон

Блоги шумо

Раҳмонов ба Рустам чӣ мерос мегузорад?

Блоги шумо

ҲАҚИҚАТИ ТОҶИКИСТОН Ё ЧАРО ҶУМҲУРИИ ТОҶИКИСТОН КИШВАРИ ТАҶОВУЗГАР НЕСТ?