Парвозҳои чартерӣ байни Тоҷикистону Белорус дар моҳи равон
Шаҳрвандони Тоҷикистон дар моҳи январ дар сурати доштани ҳуҷҷатҳои лозима метавонанд ба Истамбул, Дубай, Минск ва шаҳрҳои гуногуни Русия парвоз кунанд.
Икром Субҳонзода директори Агентии авиатсияи граждании назди Ҳукумати Ҷумҳурии Тоҷикистон ба “Азия-Плюс” гуфтааст, ин моҳ 10 парвози чартерӣ дар хатсайри Душанбе - Минск ва баръакс сурат мегирад. Парвозҳоро ширкати “Сомон Эйр”-и Тоҷикистон ва “Белавиа”-и Белорус анҷом медиҳанд.
Субҳонзода дар идома гуфтааст, дар ин масир шумораи парвозҳо вобаста ба шумораи мусофирон сурат мегиранд: агар мусофирони лозим набошанд парвоз сурат намегирад.
Ҳамчунин директори Агентии авиатсияи граждании назди Ҳукумати Ҷумҳурии Тоҷикистон гуфтааст, тибқи реҷаи пешин дар ин моҳ, ҳар ҳафта 4 парвоз дар масири Душанбе-Дубай-Душанбе ва Душанбе-Истанбул-Душанбе аз сӯйи ширкатҳои “Сомон Эйр”, “fly Dubai” ва “Turkish Airlines” анҷом дода мешавад.
Дар моҳи январ 80 парвозӣ чартерӣ анҷом дода мешавад, ки се ширкати русӣ аз шаҳрҳои Душанбеву Хуҷанд ва Кӯлоб ба шаҳрҳои гуногуни Русия 20 парвози чартерӣ анҷом медиҳанд. Гуфтааст, Субҳонзода.
Гуфта мешавад, ширкати “Уралские авиалинии” ҳар ҳафта 18 парвози чартерӣ дорад. Нархи билети ин ширкат аз 4 ҳазор сомонӣ оғоз мешавад.
Ширкатҳои “ЮтЭйр” ва “S7” ҳар ҳафта як бор парвозҳои чартерӣ анҷом хоҳанд дод.
Ин парвозҳо бо риояи ҳамаи қоидаҳои беҳдоштӣ анҷом мешаванд. Кӯдакони то 6-сола аз пешниҳоди маълумотномаи гирифтор набудан ба коронавирус озоданд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.