5.9 C
Dushanbe

Пас аз Facebook ширкати Google низ ҷузъи андозсупорандагон шуд

Кумитаи андози назди Ҳукумати Ҷумҳурии Тоҷикистон имрӯз 4 март хабар дод, ки пас аз сабти ном кардани “Facebook” ҳамчун андозсупоранда, рӯзи 3 март ширкати маъруфи “Google” низ худро дар Кумитаи андоз ҳамчун супорандаи андоз аз хизматрасониҳои электронӣ ба қайд гирифтааст.

Дар хабар омада, ки ба ғайр аз ширкатҳои бузурги “Google” ва “Facebook”, чунин ташкилотҳои хориҷӣ, ба монанди “Doodle inc”, “Novatech IT ltd” ва “Xsolla (USA) Inc” ба қайд гирифта шудаанд ва барои бақайдгирии субъектҳои хориҷии дигар Кумита бо намояндагони Созмони ҳамкории иқтисодӣ ва рушд (ОЭСР) ва ширкатҳои интернетӣ корҳои фаҳмондадиҳӣ гузаронида истодааст.

Баъд аз баҳсҳои зиёд Тоҷикистон охири соли 2020 қонунеро ба тасвиб расонд, ки тибқи он шахсони хориҷӣ аз хизматрасониҳои электронӣ бояд ба буҷети Ҷумҳурии Тоҷикистон андоз аз арзиши иловашуда пардохт кунанд.

“Амали Қонун ба шахсони хориҷие тааллуқ дорад, ки ба шахсони воқеӣ дар Ҷумҳурии Тоҷикистон хизматрасониҳои рақамиро анҷом медиҳанд. Тибқи Қонун, ширкатҳои хориҷӣ уҳдадоранд на дертар аз 20 рӯзи тақвимӣ аз рӯзи оғоз намудани хизматрасониҳои электронӣ дар мақомоти андоз ба қайд гиранд. Минбаъд, эъломияи ААИ ба мақомоти андоз тавассути утоқи шахсии андозсупоранда, ки бо забони англисӣ дастрас аст, пешниҳод карда мешавад.”

Чанд вақти ахир масъалаи андоз супоридани шабакаи иҷтимоии Фейсбук дар Тоҷикистн доғ шуд. Айнан, замоне, ки сардори Хадамоти алоқаи Тоҷикистон Бег Сабур, қудои раисҷумҳур ин масъаларо бардошт. Он замон ин мақомдори давлатӣ, хусусан аз ҷониби корбарони Фейсбук интиқоди зиёд мешуд.

Ҳукумат ба далели ин ки ин хидматрасонии электронӣ, аз ҷумла Фейсбук ва Гугл дар баъзе давлатҳо аз даромадашон андоз месупоранд, мехоҳад, дар қаламравӣ Тоҷикистон низ андоз супоранд, вале ин иқдом аз ҷониби корбарон ва коршиносон мавриди интиқод қарор гирифт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.