35.9 C
Dushanbe

Пас аз “лату кӯб” Раҳмон ба вазири тандурустӣ мукофот дод

31-уми август раисҷмуҳури Тоҷикистон Эмомалӣ Раҳмон ба муносибати ҷашни 30-солагии Истиқлолияти давлатии Тоҷикистон ба як идда аз ходимони давлатӣ мукофотҳои давлатӣ супорид.

Ба иттилои Хадамоти матбуотии президент Эмомалӣ Раҳмон гуфт: “имрӯз шахсоне бо мукофотҳои давлатӣ сарфароз мегарданд, ки саҳми онҳо дар тӯли сӣ соли даврони соҳибистиқлолӣ дар рушди соҳаҳои гуногуни иқтисодиву иҷтимоии кишвар ва идораи давлатӣ назаррас ва арзишманд мебошад”.

Манбаъ меафзояд: “Бо мукофотҳои давлатӣ сарфароз гардиданро метавон подоши хизмати содиқона ба халқи Тоҷикистон ва давлати соҳибистиқлоли тоҷикон маънидод намуд.”

Рустами Эмомалӣ, писари раиси ҷумҳур, шаҳрдори пойтахт ва раиси Маҷлиси Миллӣ ва Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон аз ҷумлаи касоне ҳастанд, ки ба ин мукофоти давлатӣ қадрдонӣ шудаанд.

Гуфта мешавад, 26-уми июл дар бораи латукӯб шудани вазири тандурустӣ тавассути хоҳарзодаҳои Эмомалӣ Раҳмон гузориш шуда буд. Вазир пас аз як моҳ дар рӯзи 27-уми август дар суҳбат бо рӯзномаи “Ҷумҳурият” лату кӯб шуданашро рад карда, гуфт ин ҳодиса барои ӯ як “овозаи ғайриинтизор” буд.

Акнун иддае аз корбарони шабакаҳои иҷтимоӣ мукофот гирифтани Ҷамоллидин Абдуллозодаро ба масхара гирифта гуфтаанд, ки вазир товони ҷоғи шикастаашро гирифт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.