26.9 C
Dushanbe

“Пешво” аз “пешво” қадрдонӣ кард

Президентҳои Осиёи Марказӣ бо тақдими мукофоти “Нишони фахрӣ” ба собиқ президенти Туркманистон Қурбонгули Бердимуҳаммадов аз ӯ қадрдонӣ карданд.

Бердимуҳаммадов ҳоло ҳамчун “пешво”-и халқи туркман хонда мешавад ва ҳам раиси Халқ Маслахати Туркманистонро бар уҳда дорад. Ба таҳлили коршиносон, ин ба он маъност, ки ӯ то ҳол кишварашро худаш идора мекунад.

Маркази матбуоти Президенти Тоҷикистон бо нашри ин хабар дод, ки 14-уми сентябир соли ҷорӣ дар ҳошияи нишасти панҷуми машваратии раҳбарони кишварҳои Осиёи Марказӣ дар Душанбе дар Қасри миллат Эмомалӣ Раҳмон ба Қурбонгулӣ Бердимуҳаммадов ин “мукофоти олии сарони давлатҳои Осиёи Марказӣ”-ро супорид.

Дар хабар гуфта мешавад, ки қадрдонии раҳбарони кишварҳои Осиёи Марказӣ аз Қурбогнгулӣ Бердимуҳаммадов ба далели “саҳми барҷастаи ӯ дар таҳкими муносибатҳои дӯстӣ ва ҳамсоягии нек байни давлатҳои минтақа” будааст.

Ҳамчунин дар хабар таъкид мешавад, ки собиқ раисҷумҳури Туркманистон дар “таъмиқи ҳамкории мутақобилан судманди давлатҳои минтақа дар соҳаҳои сиёсӣ, тиҷоративу иқтисодӣ ва фарҳангию гуманитарӣ, пешбурди манфиатҳо ва ташаббусҳои муштараки мамлакатҳои минтақа дар арсаи ҷаҳонӣ” саҳми бузурге доштааст.

Бархе коршиносон бар ин назаранд, ки қадрдонии Эмомалӣ Раҳмон аз Қурбонгулӣ Бердимуҳаммадов аввалан, метавонад нишони посухи қадрдонии Бердумуҳаммадов аз Раҳмонов аст, ки чанде пеш дар Туркманистон қадрдноӣ шуда буд ва сониян, ӯ шояд мехоҳад ба дигарон бифаҳмонад, ки пас аз рафтанаш фаромӯшаш накунанд ва қадри ӯро низ бидонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вазир: Тақсимоти барқ ғайри қаноатбахш аст

Вазири энергетика ва захираҳои оби Тоҷикистон фаъолияти нимсолаи аввали...

ВКД: 3 кӯдак 10 ҳазор сомониро дузиданд

Вазорати корҳои дохилаи Тоҷикистон бо нашри як иттилоия се...

Собиқ ректори Донишгоҳи Давлатии Хуҷанд ба 7 соли зиндон маҳкум шуд

Додгоҳи вилояти Суғд Аюб Усмонзода, ректори собиқи Донишгоҳи Давлатии...

Тоҷикистон мехоҳад аз Қатар пул бигирад

Тоҷикистон аз Қатар хостааст, ки "дар бахшҳои афзалиятноки иқтисодиёт"-и...