26.9 C
Dushanbe

Пешниҳоди истифода аз нерӯи кории зиндониён ба ҷои муҳоҷирони корӣ дар Русия

Александр Калашников роҳбари Хадамоти федералии иҷрои ҷазо (ФСИН ), ки умури зиндонҳои Русияро дар ихтиёр дорад, хостори истифодабарии нерӯи кории зиндониён дар корҳое шуд, ки пештар аз муҳоҷирони корӣ истифода мешуд.

Хабаргузории “Бомдод” ба нақл аз суханони Калашников, ки дар ҷаласаи Шӯрои ҳамоҳангсози ваколатдорони ҳуқуқи инсон дар шаҳри Красноярск эрод намуда навишта, ки “… ахиран Владимир Путин бо роҳбарони минтақаҳои Осиёи Миёна Узбекистон, Тоҷикистон мулоқот дошт… сухан дар бораи ба роҳ мондани маҷрои муҳоҷирати корӣ ба иншооте мерафт, ки ба камбуди нерӯи корӣ дучор шудаанд. Вале мо дар воқеъ метавонем нерӯи корӣ пешниҳод кунем…. ин ГУЛАГ намешавад, ин бо шароити комилан нав ва шоиста ба роҳ монда мешавад, чунки ин одамон дар хобгоҳ кор мекунанд ва ё хона иҷора мекунанд ва ё корфармо барояшон шароити зиндагӣ бо аҳли оилаашонро фароҳам меоварад ва онҳо маоши шоиста хоҳанд гирифт”.

Путин дар воқеъ рӯзи 8 май дар дидораш бо раиси Ҷумҳурии Тоҳикистон Эмомалӣ Раҳмон гуфта буд, ки Русия дучори камбуди нерӯи корӣ шудааст ва ба муҳоҷирони корӣ ниёз дорад.

Ба гуфтаи Калашников, агар дар Русия дар соли 2010 беш аз 860 ҳазор зиндонӣ адои ҳукм мекард, то соли 2021 шумори зиндониён дар ин кишвар то ба ҳадди 483 ҳазор нафар поин омадааст. Аз ин шумор 188 ҳазор нафар ба гуфтаи роҳбари ФСИН, ҳақ доранд, ки ариза навишта иваз кардани навъи ҷазояшон аз зиндон ба корҳои ислоҳиро дархост кунанд.

Калашников афзуд, ки соли 2020 маоши зиндониён 11 дарсад афзоиш ёфт. Масъалаи муҳоҷирони ғайриқонунӣ дар Русия вақтҳои ахир доғтар шуда истодааст.  Моҳи апрел муовини аввали вазизири умури дохилии Русия Александр Горовой дар ҷаласаи маҷмааи байни парлумонии кишварҳои СНГ аз мақомоти ин кишварҳо даъват кард, ки то 15 июн муҳочирони ғайри қонуниашонро аз Русия берун бикашанд. Вагарна Русия маҷбур мешавад, ки даст ба чораҳои ҷавобӣ бизанад, ҳатто марзҳояшро бибандад.

Бино ба омори вазорати умури дохилии Русия дар ҳоли ҳозир дар қаламрави ин кишвар беш аз як миллион аз шаҳрвандони кишварҳои СНГ ғайриқонунӣ қарор доранд. Аз ҷумла 332 ҳазор нафар шаҳрвандони Узбекистон, 247 ҳазор шаҳрвандони Тоҷикистон, 152 ҳазор шаҳрвандони Украина, 120 ҳазор шаҳрвандони Озарбойҷон, 115 ҳазор шаҳрвандони Қирғизистон, 61 ҳазор шаҳрвандони Арманистон ва 49 ҳазор нафар шаҳрвандони Қазоқистон, вале мақомоти Тоҷикистон ин арқом дар мавриди муҳоҷирони тоҷики ғайриқонунӣ дар қаламрави Русияро носаҳеҳ ва аз будаш зиёд медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.