4.9 C
Dushanbe

Пешниҳодоти ҲДТ ба Рустами Эмомалӣ

Ҳизби демократи Тоҷикистон аз Рустами Эмомлӣ, шаҳрдори Душанбе хоста, ки биноҳое, ки дар Душанбе сохта шудаанд, симои аврупоӣ доранд ва бояд биноҳои пойтахт тарҳи миллӣ дошта бошанд.

Дар муроҷиатномаи Шӯрои сиёсии Ҳизби демократи Тоҷикистон ба ба Рустами Эмомалӣ, ки Саидҷаъфар Усмонов, раиси ин ҳизб онро дар саҳифаи фейсбукияш нашр кардааст, чанд пешниҳоде барои ободии пойтахт ироа шудааст.

Шӯрои сиёсии Ҳизби демократи Тоҷикистон, аз ҷумла ба шаҳрдори Душанбе пешниҳод карда, ки дар пойтахт биноҳо аз сари кӯчаҳо дуртар сохта шаванд ва назди онҳо ҳавличаҳо бунёд шавад.

Дар муроҷиатнома аз Рустами Эмомалӣ хоҳиш шуда, ки ба хотири эҳтироми таърихи як давраи зиндагии мардуми Тоҷикистон дар ҳайати ҳукумати Шӯравӣ, баъзе биноҳои сохти он замон тахриб нашаванд.

Яке аз пешниҳодоти дигари ин ҳизб аз Рустами Эмомалӣ ин тағйир додани шакли берунаи Кохи Борбад аст. ҲДТ мегӯяд, ин бино “бо шакли “юрти муғул” қалъа сохта шудааст !Борбад ба муғулу юрташ ягон монандӣ ё робитае надорад!” Аз ин рӯ, аз шаҳрдор хоста шуда, ки шакли берунаи бино иваз карда шавад.

Шакли комили пешниҳодоти ҲДТ ба Рустами Эмомлӣ:

Ба раиси шаҳри Душанбе, раиси Маҷлиси миллии Маҷлиси Олии Ҷумҳурии Тоҷикистонмуҳтарам Рустами Эмомалӣ          

Раиси муҳтарам!  

     Иқдомҳои ватандӯстона ва ободкоронаи Шумо боиси тағйироти назарраси хосаву хубе дар симои пойтахти кишвар шудааст.                        Умедворем, ки наслҳои баъдии сарзамини мо бо ин пешрафту ободиҳо соҳиби як пойтахти беназир ва шукуфон хоҳанд шуд . Дар пайравӣ аз ин ташаббуси шоистаи Шумо, чанд пешниҳодро манзуратон мегардонем , ки қабул ва иҷрои онҳо дар рушди пойтахт аҳамияту зарурияти муҳимеро доранд .

1. Биноҳои хуштарҳи баландошёна, ки воқеан ба пойтахт шукуҳу зеб бахшидаанд , бештар симои аврупоӣ доранд , дар онҳо тарҳ ё нишонаҳои меъморӣ ва шаҳрсозии миллии мо чандон эҳсос намешавад . Дарки баланди таърихӣ ва фарҳангии миллати мо , ниёз дорад , ки ҳар бино нишон , рамз , тарҳи миллӣ ё ватанӣ дошта бошад. Бо доштани чунин биноҳои хуштарҳи миллӣ шаҳри Душанбе симои аслии хонаи умеди тоҷикон ва форсизабонони дунёро хоҳад дошт. Ин ташаббус дар идомаи иқдомҳои ҳукумати ҷумҳурӣ бо бунёди анъанаҳои форсӣ-тоҷикӣ , аз ҷумла номгузории боғу гулгашт , муҷассамаҳои бузургони таърих , инчунин ҷашну масросимҳои миллӣ ҳамоҳанг хоҳад шуд .

2. Дар баробари ободонии густурда ва рушди фарҳанги миллӣ дар пойтахт , шумораи аҳолӣ низ афзоиш пайдо мекунад . Бинобар ин пойтахт ба хиёбону кӯчаҳои васеъ ниёз пайдо кардааст . Вале биноҳое , ки дар наздиктарин масофаи кӯчаву хиёбон сохта мешаванд , ҳам ҳусни шаҳр ва ҳам шароити рафтуомади мардумро душвор мекунанд. Ҳатто имрӯз ин камбуд дар баъзе кӯчаву хиёбонҳо мушоҳида мешавад . Аз ин рӯ ,  аз сари кӯча дуртар сохтани биноҳо ва дар назди онҳо бунёд кардани ҳавличаҳои обод ба ҳусни шаҳр шукӯҳи тоза мебахшад .

3. Вобаста ба афзоиши аҳолии шаҳрнишин , васеъ кардани роҳҳои пиёдагард хеле муҳим мебошад . Имрӯз баъзе роҳравҳои кӯчаҳо ба ҳадде тангбару борик ҳастанд , ки барои роҳгузарон мушкил эҷод кардаанд . Дар баробари ин дар баъзе маҳалҳо (барои мисол , дар хиёбони Айнӣ , дар қисмати аз маркази хизматрасонии Садбарг то чорроҳи гардиши Фурӯдгоҳ) аз ҳисоби дарахтони сари роҳу тавақуфгоҳҳои автомобили  қисмати пиёдагардро танг кардаанд , ки ба зебогии шаҳру , гаштугузори мардум мувофиқ нест . Пешниҳод мекунем , ки аз ин ба баъд роҳҳои пиёдагард дар ҳама кӯчаву хиёбонҳои пойтахт васеъ карда шаванд . Роҳи пиёдагарди васеъу бофароғати паҳлуи боғи Рӯдакӣ намунаи беҳтарин аст .

4. Дар чанд соли охир дар ҳама гӯшаву канори шаҳри Душанбе маҳалла ва шаҳракҳои нав бунёд мешаванд . Аммо дар ҳамаи онҳо аҳолӣ роҳҳои пиёдаравро худсарона ғасб кардаанду ҳангоми сохтмони хонаҳои бисёрошёна роҳҳо барои пиёдагард насохтаанд . Яъне дар маҳаллаҳо ва ҳавлиҳои биноҳои бисёрошёна танҳо роҳи мошингард сохта шудааст  вале роҳи алоҳида барои пиёдагард нест.

5. Ба хотири эҳтироми таърихи як давраи зиндагии мардуми Тоҷикистон дар ҳайати ҳукумати Шӯравӣ нигоҳ доштани биноҳои Театри опера ва балети ба номи Садриддин Айнӣ , театри академӣ-драммавии ба номи Абдулқосим Лоҳутӣ, бинои Маҷлиси Олии ҶТ , чойхонаи Роҳат , меҳмонхонаи Душанбе, меҳмонхонаи Вахш ва бинои асосии Донишгоҳи Милли ба мақсад мувофиқ аст . Ин биноҳо бо меъмории нисбатан беҳтари худ ва хидмати дурударозашон дар хотираи чанд насли мардуми кишвар чун нишони даврони пешин боқӣ мондаанд .  

6. Дар шаҳри Душанбе биное ҳаст, ки дар даврони Шурави бо шиори «интернационазм» вале мазмунан таҳқир ба миллати тоҷик сохта шудааст. Ин бино Кохи Борбад мебошад , ки бо шакли “юрти муғул” қалъа сохта шудааст !Борбад ба муғулу юрташ ягон монанди ё робитае надорад ! Роҳбарони пешини Ҳукумати Шурави бо беиродагӣ ва бетарафӣ ба бунёди ин бино иҷозат дода , намунаи нохуше барои наслҳои баъдӣ ба мерос мондаанд , ки ҳузури ин иншоот ғурури нопухтаи насли наврасро мешиканад . Дар ин бино маъракҳои муҳимми давлати  мегузарад ки боиси таасуфаст. Сохти дохили бино ба талаботи истифодабари пурра ҷавобгӯ мебошад , вале шакли берунаи бино ба ислоҳи ҷиддӣ ниёз дорад . Пешниҳод мекунем, ки Шумо муҳтарам Рустами Эмомалӣ дар ислоҳи шакли берунаи он мутобиқ ба меъмории форсӣ-тоҷикӣ мусоидат кунед.

Шӯрои сиёсии Ҳизби демократи Тоҷикистон

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.