11.9 C
Dushanbe

Писарамӯи муфтии Тоҷикистон ба узвият дар “Ихвон-ул муслимин” маҳкум шуд

Муҳаммадсаид Акрамов, писарамаки раиси Шӯрои уламои Тоҷикистон Саидмукаррам Абдулқодирзода ва сархатиби масҷиди ноҳияи Восеъ ва 13 тан аз наздикони ӯ ба узвият дар созмони дар Тоҷикистон мамнӯи » Ихвон-ул-муслимин  гунаҳгор дониста шуданд.

Ахиран Додгоҳи вилояти Хатлон сархатибу се бародарашро шартан  озод кардааст, вале 10 нафари дигар, аз ҷумла писару домод ва ҷиянҳои сархатиб,аз панҷ то ҳафтсолӣ ба зиндон маҳкум шуданд. 

Саидмукаррам Абдулқодирзода, раиси Шӯрои уламои Тоҷикистон ба баҳонаи беморӣ аз изҳори назар дар ин бора худдорӣ кардааст. Аммо наздикони дигари Муҳаммадсаид Акрамов дар суҳбат ба Радиои Озодӣ аз ҳукми додгоҳ норизоятӣ кардаанд. Яке аз онҳо бе зикри номаш гуфтааст, «гуноҳи Акрамов ва 13 нафар аз хешованди ӯ дар додгоҳ собит нашуд, вале сарфи назар аз ин онҳо ба зиндон маҳкум шуданд». Вале Бобоҷони Шералӣ, додраси парванда гуфтааст, «маҳкумшудаҳо ба ташкили фаъолияти созмони ифротгароӣ ва узвият дар он гунаҳкор ҳастанд». Муҳаммадсаид Акрамову бародаронаш ва хешовандони дигари ӯ чаҳормоҳ пеш аз сӯи мақомоти интизомии вилояти Хатлон дастгир шуданд.

Додгоҳ тафсилоти парванда ва ҳукмро ошкор намекунанд, вале яке аз пайвандони Муҳаммадсаид Акрамов гуфтааст,чанд нафар аз фарзандони Акрамов солҳои пеш дар Миср таҳсил мекарданд ва бо даъвати мақомот соли 2014 баватан баргашта буданд. Аз миёни маҳкумшудаҳо Абдулазиз Акрамов, писари сархатиб, борҳо дар телевизиони»Мавҷи Озод»- ноҳияи Восеъ дар мавзӯи мубориза бо терроризм суҳбат кардааст. Боздошти афроди муттаҳам ба узвият дар «Ихвон-ул-муслимин» авоили моҳи январи имсол оғоз шуд. Мақомот афроди муттаҳам ба узвиятдар ин гурӯҳро дар минтақаҳои гуногуни кишвар боздошт карданд. Дар миёни онҳо устодони донишгоҳҳо, тоҷирон,донишҷӯён ва кормандони ниҳодҳои давлатӣ низ ҳастанд.

Созмони «Ихвон-ул-муслимин», ки номаш дар пайванд ба боздошти чанд нафар дар сархатти расонаҳои Тоҷикистон қарор дорад,аз соли 2006 боз дар кишвар манъ аст. Соли 2016 чанд имомхатиб дар вилояти Суғд бо ҷурми узвият дар ин созмон ба зиндон маҳкум шуда буданд. «Ихвон-ул-муслимин» як созмони мазҳабӣ ва сиёсист, ки соли 1928 дар Миср таъсис ёфта, фаъолияташ  танҳо дар чанд кишвари арабии низомашон худкома мамнуъ аст. Пайравони ин ҳаракат, созмонро як созмони муътадили динӣ меҳисобанд,вале додситони кулли Тоҷикистон мегӯяд, ки «ҳадафи онҳо сарнагун кардани ҳукумат бо роҳи зӯрӣ ва барқарор кардани давлати исломӣ дар ин ё он кишвар аст.

Ҳукми  писарамӯи раиси Шӯрои уламои Тоҷикистон ва бастагони ӯ барои узвият дар як созмони сиёсии динӣ дар ҳоле содир мешавад,ки  чанде қабл яке дигар аз наздикони ӯро бо иттиҳоми салафӣ равонаи зиндон карда буданд.Ӯ низ даъвати мақомот  барои бозгашт ба ватан ва мавриди афв қарор гирифтанро рост пиндошта бармегардад аммо аз суи мақомоти амният боздошт ва сипас зиндонӣ мешавад. Як тан аз корбарони шабакаҳои иҷтимоӣ дар зери хабари ҳукми писарамаки муфтӣ навиштааст, ки Абдуқодирзода ба хотири мансаб шуда ҳатто барои рузахӯрӣ фатво дод ва бо вуҷуди ин ҳама чоплусӣ касе шахси ӯро дар ин ҳукумат ба эътибор намегирад. Аммо Сайидмукаррам Абдуқодирзода ба ин мақом аз муовинати Раёсати танзими расму анъанаи Дастгоҳи иҷроияи президенти Тоҷикистон омадааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баргузории нишасти вазирони умури хориҷии ИА дар Украина

Қарор аст барои нахустин бор нишасти вазирони корҳои хориҷии кишварҳои узви Иттиҳоди Аврупо дар Украина багузор шавад.

Боз сӯхтори бозор. Ин бор дар Суғд

Бомдоди 2-уми октябри соли ҷорӣ бозори фурӯши масолеҳи сохтмонии шаҳри Хуҷанд, "Ҷумъабозор" оташ гирифта, чандин дукону мағоза ба коми оташ фурӯ рафт.

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.