22.9 C
Dushanbe

КДАМ полковники Оҷонсии зидди фасодро бо пора дастгир кард

Акс аз: fpbk.ru

Хабаргузории давлатии “Ховар” бо такя ба Маркази робитаҳои ҷамъиятии КДАМ хабар медиҳад, ки 17-уми август полковник Ҷонибек Маҳмадзода корманди Оҷонсии назорати давлатии молиявӣ ва мубориза бо коррупсияи Ҷумҳурии Тоҷикистон аз ҷониби кормандони Кумитаи давлатии амнияти миллӣ ҳангоми гирифтани пора дар ҳаҷми бузург дастгир шуд.

Гуфта мешавад, ки полковиник Ҷонибек Маҳмадзода дар вазифаи мутахассиси пешбари Раёсати назорати субъектҳои хоҷагидорӣ, сармоягузорӣ ва қарзҳои давлатии Оҷонсии назорати давлатии молиявӣ ва мубориза бо коррупсияи кор мекард. Аммо дар хабар миқдори муайяни пораи гирифташуда ва инчунин аз ҷузъиёти дастгиршавӣ, ки чӣ гуна ва дар куҷо рух додааст, чизе зикр нагардидааст.

Бино ба иттилои манбаъ, “17-уми августи соли 2020, аз тарафи кормандони КДАМ ҶТ ҳангоми гирифтани пора ба миқдори махсусан калон, мутахассиси пешбари Раёсати назорати субъектҳои хоҷагидорӣ, сармоягузорӣ ва қарзҳои давлатии Агентии назорати давлатии молиявӣ ва мубориза бо коррупсияи Ҷумҳурии Тоҷикистон полковник Маҳмадзода Ҷонибек Бек, соли таваллудаш 1972, истиқоматкунандаи шаҳри Душанбе дастгир карда шуд”.

Вобаста ба ҳолати мазкур нисбати Маҳмадзода Ҷ.Б. парвандаи ҷиноятӣ оғоз гардида, тафтишоти пешакӣ идома дорад.

Хабари боздошти кормандони баландпояи Оҷонсии зиддифасод бори аввал нест, ки расонаӣ мешавад. Соли 2017 як гурӯҳи зиёди кормандони баландрутбаи ин ниҳод дастгиру зиндонӣ шуданд. Мақомот ин гурӯҳро бо иттиҳоми қаллобӣ, гирифтани пора ва ҷиноятҳои дигар муттаҳам намуда ба муддатҳои тӯлонӣ равонаи зиндон кард. Он сол ин хабар дар ҷомеа сару садоҳои зиёдеро ба бор оварда буд.

Дар рӯйхати ин гурӯҳи кормандони дастгиршудаи Оҷонсии зиддифасод номи Фирӯз Холмуродзода, собиқ раҳбари Раёсати тафтишоти Оҷонсӣ, ки ба 15 соли зиндон маҳкум шуд, ҷой дошт. Ҳамчунин номи Давлатбек Хайрзода, муовини собиқи раиси ин ниҳод ва Фаридун Беназирзода, муовини раиси идораи гумруки Хуҷанд низ сари забонҳо мегашт, ки онҳо ба даҳуним солии зиндон маҳкум шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Иштироки намояндаи Тоҷикистон дар САҲА

Рӯзи 17-уми июни соли ҷорӣ нишасти Кумитаи амнияти Созмони амният ва ҳамкорӣ дар Аврупо (САҲА) дар шаҳри Вена баргузор гардид.

Оғози амалиёти “Нелегал” дар Челябинск

Дар вилояти Челябински Федератсияи Русия "рейд"-и муҳоҷирон бо номи амалиёти "Нелегал" оғоз ёфтааст.

Танишҳо байни Исроилу Эрон шиддат мегирад. Ҷанг ба куҷо мекашонад?

Бо оғози шашумин рӯзи ҳамлаҳои артиши Исроил ба Эрон раҳбари Ҷумҳурии исломии Эрон Алӣ Хоманаӣ бо нашри паёме гуфт, ба Исроил "посухи қавӣ" хоҳад дод.

Мақомот нуҳ сокини маҳаллаи “Дарвоз”-ро равонаи зиндон кард

Додгоҳи ноҳияи Исмоили Сомонии шаҳри Душанбе нуҳ сокини маҳаллаи "Дарвоз"-и пойтахтро бо иттиҳомҳои ифротгароӣ равонаи зиндон кард.