22.9 C
Dushanbe

Поёни сафари Президенти Озарбойҷон дар Тоҷикистон

Илҳом Алиев, Президенти Озарбойҷон пас аз анҷоми сафари якрӯзааш ба Тоҷикистон субҳи имрӯз Душанберо ба қасди Боку тарк кард.

Бино ба иттилои расмӣ, дар рафти сафари давлатии Президенти Озарбойҷон ба Тоҷикистон байни ниҳодҳои мухталифи ҳар ду кишвар 14 санади ҳамкорӣ ба имзо расид.

Дар ин миён муҳимтарин санадҳои ба имрзо расида “Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Озарбойҷон оид ба ҳамкорӣ дар соҳаи геодезия, харитасозӣ, заминсозӣ, кадастр ва мушоҳидаи фосилавии замин; ва – Созишнома оид ба ҳамкорӣ байни Вазорати корҳои дохилии Ҷумҳурии Тоҷикистон ва Вазорати корҳои дохилии Ҷумҳурии Озарбойҷон” унвон мешавад.

Инчунин дар байни ин санадҳои ба имзорасида, 7 адад санди Ёддошти тафоҳум, 2 Пртокол, ва 3 Барномаи ҳамкорӣ байни вазоратҳо ва идораҳои мухталифи давлатӣ ба имзо расидааст. Дар ин миён, ҳеч гуна шартнома ва ё қарордодҳои расимие, ки ҷонибҳоро ба ҷалби сармоя ва ё сармоягузорӣ кардан дар бахшҳои алоҳидае муваззаф кунад, вуҷуд надорад.

Гуфта мешавад, ҳаҷми мубодилаҳои тиҷоратӣ ва иқтисодӣ байни Тоҷикистон ва Озарбойҷон ҳудуди 6,5 миллион доллари амрикоиро ташкил медиҳад, ки камтар аз 02% аз ҳаҷми мубодилаҳои Тоҷикистон бо дигар кишварҳоро ташкил медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.