14.9 C
Dushanbe

Президент ба Хатлон сафар мекунад, аммо на барои иштирок дар Наврӯз

Рӯзи 22 марти соли ҷорӣ дар арафаи Наврӯз раисҷумҳури Тоҷикистон ба шаҳри Бохтари вилояти Хатлон сафар мекунад. Мақсади сафар шиносоии Президент аз рафти корҳои омодагӣ ба ҷашни 30-солагии Истиқлол гуфта мешавад. Дар ин бора “Азия-Плюс” аз қавли ёрдамчии Президент Абдуҷаббор Раҳмонзода хабар дод.

Ба гуфтаи Раҳмонзода, ин сафар барои иштирок дар ҷашнҳои наврӯзӣ набуда, “балки як сафарӣ корӣ барои ошноӣ ба корҳои омодагӣ ба ҷашни 30-солагии истиқлол аст”.

Ҳамчунин сухангӯйи раиси вилояти Хатлон Носирҷон Маъмурзода низ ба “Азия-Плюс” гуфта, ки ин сафар берун аз ҷашнгириҳои Наврӯз аст.

“Мо омодагиҳои худро барои омадани президенти кишвар Эмомалӣ Раҳмон гирифта истодаем. Вобаста ба ҷашни наврӯзӣ ва Истиқлолияти кишвар дар тамоми шаҳру ноҳияиҳои кишвар  барои дар сатҳи баланд таҷлил кардани ҷашни 30-солагии истиқлолияти кишвар омодагӣ гирифта истоданд. Аз ҷумла барои сафари президент ба вилояти Хатлон мо ҳаматарафа тайёрӣ дида истодаем”, – гуфт Маъмурзода.

Агарчи расонаҳои расмии Ҳукумат то ҳол сафари Президент ба вилояти Хатлонро нашр накардаанд, вале чанде пеш сокинони шаҳри Бохтар ба “Аздо тв” гуфта буданд, ки барои омадани Президент мақомот онҳоро маҷбур доранд то деворҳои сари роҳ ҳама бо хиштҳои сементии як намуд сохта ва оро дода шавад.

Як сокин бидуни зикри номаш гуфт, чанд рӯз боз намояндагони КДАМ-и шаҳр ҳамроҳи раисони ҷамоатҳо, нозирони минтақавӣ, раисони маҳаллаҳо ва боз чанд ниҳоди дигар дар кӯчаҳои марказии шаҳр ва деҳаҳои гирду атроф гашта мардумро маҷбур доранд, ки хонаҳояшонро рангу бор кунанд, ки Президент ба ҳамон кӯчаҳо гузар мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.