27.9 C
Dushanbe

Прокуратураи генералии Тоҷикистон парвандаи Абдуллоҳи Ғурбатиро фош кард

Прокуратураи генералии Тоҷикистон баъд аз шаш моҳ ҷузъиёти парвандаи рӯзноманигор Абдуллоҳи Ғурбатиро фош кард.

Имрӯз, 3-уми октябри соли 2022 Прокуратураи генералии Тоҷикистон бо нашри як матлаб ҷузъиёти парвандаи рӯзноманигори зиндонӣ Ғурбатов Авазмад Умаралиевич маъруф ба Абдуллоҳи Ғурбатиро дар сомонаи расмиаш нашр кард.

Дар ин матлаб ду иттиҳоми асосие, ки ҷониби Прокуратураи генералӣ ба рӯзноманигори зиндонӣ Абдуллоҳи Ғурбатӣ задааст, яке аъзо шудан ба канали ютубии Azda tv ва дигаре дашном ва як мушт задани ба як корманди милиса унвон шудааст.

Инчунин Прокуратураи генаралӣ иддао дорад, ки “Дар давоми солҳои 2021-2022 аз ҷониби Ғурбатов А.У.  дар шабакаи иҷтимоии интернетии «Фейсбук» чандин матлабҳо ва мақолаҳо ошкоро ва пардапушон нашр шудаанд, ки дар он пайваста бадномсозии сиёсати пешгирифтаи Давлату Ҳукумати Ҷумҳурии Тоҷикистон дида шуда, дар амалу кирдорҳои Ғурбатов А.У. аломатҳои фаъолияти экстремисти ҷой доранд”.

Прокуратураи генералии Тоҷикистон иддао мекунад, ки журналист Абдуллоҳи Ғурбатӣ “худашро ба канали «Аzda tv» санаи 13 ноябри соли 2019 дар шабакаи иҷтимоии интернетии «Ютуб» аъзо намуда” аст, аммо ин дар ҳолест, ки шабакаи Аzda tv расман моҳи июли соли 2020 фаъолияти худро оғоз кардааст.

Айбдоркунандаи давлатӣ бидуни овардани факту рақам ва аксу наворе аз ҷои ҳодиса ва ё аз “ҷабрдида” мегӯяд, ин журналисти 54 килограм вазн дошта, “дар дохили нуқтаи гузаргоҳи назоратӣ қисми навбатдорӣ ШВКД-1-и ноҳияи (Шоҳмансури пойтахт), бо истифодаи зӯровари пагони китфи чап ва чор адад тугмаи куртаи низомии Муродов Д.Ҷ.-ро канда дар ҳузури шаҳрвандон як мушт ба гарданаш задааст.

Гуфта мешавад, рӯзноманигори тоҷик Абдуллоҳи Ғурбатӣ, мутаваллиди 1-уми августи соли 1996, хабарнигори Азия-Плюс, оиладор соҳиби як фарзанд аст, ки 4-уми октябри соли 2022 бо ҳукми суд ба муҳлати 7 солу 6 моҳ аз озодӣ маҳрум ва дар калонияи ислоҳии дорои низомаш пурзӯр адои ҳукм мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.