Владимир Путин дар интихоботи президентии кишвараш боз барои чор соли дигар қудратро ба даст гирифт.
Дар интихоботи президентии Русия, ки аз 15-ум то 17-уми марти соли ҷорӣ идома кард, Владимир Путин раисҷумҳури кунунии ин кишвар барои бори панҷум барандаи ин интихобот эълон шуд.
Бино ба иттилои Комиссияи марказии интихоботи Русия, пас аз шумориши 99,59% овозҳо, Леонид Слутский номзад аз Ҳизби либерал-демократ — 3,2%, Владислав Даванков номзад аз Ҳизби мардуми нав — 3,81%, Николай Харитонов номзад аз Ҳизби коммунисти Русия — 4,3% ва Владимир Путин номзад аз Ҳизби ягонаи Руися — 87,33% овозҳоро ба даст оварданд.
Гуфта мешавад, аз шумори умумии овоздиҳандагон ба Путин 58 миллион нафар овоз додааст, ки Комиссияи марказии интихобот инро “рекорди мутлақ” хондааст.
Ҳамин тариқ Владимир Путин барои бори панҷум барандаи интихоботи президентии Русия мешавад ва аз соли 2000 то кунун қудратро дар ин кишвар ба даст гирифтааст.
Амрико ва кишварҳои ғарбӣ интихобти президентии Русияро тақаллубӣ хонданд. Ва дар ҳамин ҳол Владимир Зеленский, раисҷумҳури Украина бо тақаллубӣ хондани ин интихобот гуфтааст, ки Путин бояд ба Додгоҳи ҷиноӣ кашида шавад.
Пас аз эълони натиоиҷи интихоботи президентии Руися аз аввалинҳо шуда Эмомалӣ Раҳмон Путинро табрик карда, пирӯзии ҳамтои русашро “пирӯзии баҳснопазир” хондааст.
