26.9 C
Dushanbe

Путин: Ҳамлаҳои имрӯз ба Украина посух ба ҳамлаи се рӯзи пеш буд

Владимир Путин даст доштани артиши Русия дар ҳамлаҳои субҳи имрӯз ба пойтахти Украина ва дигар шаҳру ноҳияҳои атрофи онро тасдиқ кард.

Бино ба иттилои расонаҳои русӣ, имрӯз, 10-уми октябри соли 2022, Владимир Путин, Президенти Русия ҳамлаҳои субҳи имрӯз ба Киев ва дигар шаҳру ноҳияҳои атрофи пойтахти Украинаро тасдиқ карда гуфтааст, ки ин ҳамлаҳо дар посух ба ҳамлаҳои се рӯзи пеши Хадамоти махсуси Украина ба пули Қрим сурат гирифтаанд.

Ҳамзамон Владимир Путин барои тавҷеҳоти бештар ба ин ҳамлаҳои хунин баҳонаи дигареро низ пеш оварда гуфтааст, ки нерӯҳои украинӣ қасди ҳамла ба хати лулаи интиқоли гази Русия ба Туркияро доштанд, ба ин хотир артиши Русия барои пешгирӣ кардан аз он ба Уркиана ҳамла кардааст.

Гуфта мешавад, дар натиҷаи ҳамлаҳои субҳи имрӯзи Русия ба пойтахти Украина ва шаҳру ноҳияҳои атрофи он дасти 8 нафар кушта ва бешта 24 каси дигар захмӣ шудааст.

Русия аз замони оғози ҳамла ба Украина дар 24-уми феврали соли ҷорӣ ва ҷанг дар ин кишвар, ба гуфтаи мақомоти Украинӣ то кунун наздик ба 60 ҳазор нерӯҳои худро аз даст додааст. Аз сӯи дигар Русия низ иддао мекунад, ки дар ин муддат ҳазорҳо нафар аз нерӯҳои Украинаро кушта ва захмӣ кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Хуршед Фозилов барои 7 сол равонаи зиндон шуд

Додгоҳи шаҳри Панҷакент рӯзноманигори боздоштшудаи тоҷик Хуршед Фозиловро барои 7 сол равонаи зиндон кард.

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.