26.9 C
Dushanbe

Путин қонуни то соли 2036 дар сари қудрат мондани худашро имзо кард

Президенти Русия Владимир Путин қонунеро имзо кард, ки ба ӯ имкон медиҳад, боз ду маротиба сарвари давлат интихоб шавад. Ҳуҷҷат тибқи тағйиру иловаҳо ба Конститутсия, ки онро низ Путин пешниҳод кардааст, қабул карда шуд.

Тибқи Қонуни 19-ФЗ “Дар бораи интихоботи президенти Федератсияи Русия”, шаҳрванди Русия, ки ин вазифаро ду давра ишғол кардааст ҳуқуқи президент интихоб шуданро надорад.

Аммо ин муқаррарот ба Путин дахл надорад – тибқи қонуни нав, шумораи мӯҳлати президентии як шахс ҳангоми эътибор пайдо кардани тағйиру иловаҳо ба Конститутсия ба ҳисоб гирифта намешавад.

Путин солҳои 2000, 2004, 2012 ва 2018 президент интихоб шуда буд. Ҳоло ӯ метавонад боз дар солҳои 2024 ва 2030 дар интихоботҳои президентӣ ширкат варзида, сарвари давлат интихоб гардад. Вақте ки Дмитрий Медведев аз соли 2008 то 2012 расман Президенти Русия буд, пешниҳод намуд, ки муҳлати президентӣ аз чор то шаш сол зиёд карда шавад ва он замон ин пешниҳод қабул гардида буд.

Пас аз бозгашти Путин ба Кремл дар соли 2012, Медведев раҳбари ҳукуматро ба ӯҳда гирифт, аммо дар аввали соли 2020 Путин идеяи тағйирот ба Конститутсияро эълон кард ва Медведев истеъфо дод.

Тағйирот дар бораи бекор кардани мӯҳлати президентӣ дар 10 марти соли 2020, ҳангоми ҷаласаи Думаи давлатӣ аз ҷониби вакил Валентина Терешкова пешниҳод карда шуд. Қонуни кунунии Сарқонун ба Путин иҷозат намедод, ки барои як давраи нав номзад шавад.

Путин дар гузашта борҳо гуфта буд, ки намехоҳад конститутсияро барои дар сари қудрат мондан тағйир диҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.