20.9 C
Dushanbe

“Рӯзи ҳиҷоб” – Фарохони ҳимоят аз ҳуқуқи занон дар Тоҷикистон

Дар пайи шиддат гирифтани фишорҳо дар Тоҷикистон болои занҳои ҳиҷобпӯш, гурӯҳе аз мардум рӯзи ҷумъаро “Рӯзи ҳиҷоб” эълон карданд.

Ҷамъи бузурге аз фаъолони динӣ ва маданӣ дар ин иқдоми худ аз мардону занони тоҷик хостанд, ки рӯзи ҷумъа, 30-уми майи соли 2024 барои эътироз ба фишорҳои ҳукумати Тоҷикистон болои занони ҳиҷобпӯш даст ба гирдиҳамоии хиёбонӣ бизананд ва аз ҳукумат бихоҳанд қавонини сахтгирона нисбати ҳиҷобу ришро бекор кунад.

Аз ҷумла, коршиноси масоили динӣ Муҳамад Ансорӣ рӯзи душанбе дар суҳбат ба Azda TV гуфт: “Ин иқдом, як иқдоми комилан маданӣ ва ҳуқуқӣ аст. Ба ин маънӣ, ки ҳар инсон ҳақ дорад чӣ бупӯшад ва чӣ исме бар худ бигузорад.” Ансорӣ таъкид мекунад, ки ин иқдом, ки аз ҷониби ҷамъе аз фаъолони маданӣ ва динӣ роҳандозӣ шудааст, “Ҳечгуна ҳадафи сиёсӣ, ҳадафҳои ҳизбӣ дар пушти парда вуҷуд надорад ва мардуми Тоҷикистон ҳастанд, ки ихтиёр доранд, ки чӣ гуна бипӯшанд.” Ба гуфтаи вай, ин иқдом сирф ҳуқуқӣ ва маданӣ буда, даъват ба ошӯбу эҷоди ҳараҷу мараҷ дар Тоҷикистон нест.

Ҳадаф фақат ин аст, ки ҳар фарди тоҷик ин ҳаққи мадании худро бидонад ва ҳар тавре ки дӯст дорад, либос бипӯшад ва ҳукумат ҳақ надорад тарзи либоспӯшии касе мудохила кунад.“, мегӯяд Ансорӣ.

Ин фарохони ҳимоят аз ҳуқуқи инсонии занон дар Тоҷикистонро аксари ҷавонони тоҷик ба хубӣ истиқбол карданд. Вале аксар бар ин назаранд, ки мардуми тоҷик ба кӯчаҳо намебароянд, зеро дар гузашта ҳар иқдоме барои эътирозҳо аз ҷониби ҳукумати кишвар ба шиддат саркӯб шудааст, аз ҷумла эътирозҳои осоиштаи мардуми Бадахшон дар соли 2022, ки нерӯҳои қудратӣ онро ба шиддат саркӯб карданд.

Дар ҳамин ҳол шоми дирӯз дар шабкаҳои иҷтимоӣ наворе нашр шуд, ки се нафар дар даст силоҳи навъи “туфагча” мақомдоронро таҳдид ба куштан мекунанд. Онҳо дар хитоб ба мақомот мегӯянд, “Мо мардуми тоҷик то ин вақт ба ҳама зулми шумо хомӯш истодем. Ва имрӯз вақте шумо бар зидди ҳиҷоб қонун баровардед, мо хомӯш намеистем. Посухи моро мунтазир бошед.”

Вале то ҳанӯз мақомоти кишвар барои ин навор вокунише накардаанд.

Ба гуфтаи бархе таҳлилгарон, ҳукумати Тоҷикистон даъват аз мардум барои баромадан ба хиёбонҳо ва таҳдид ба куштани мақомдоронро даъват ба хушунат талаққӣ карда, ҳатман онро бо хушунат посух хоҳад гуфт.

Аммо ба назари иддаи дигар, мавзеъгирии мақомдорони тоҷик дар баробари арзишҳои исломӣ, аз ҷумла иҷборан гирифтани ҳиҷоби занону тарошидани риши мардон вазъиятро то рафт бадтар хоҳад кард. Зеро, ба гуфтаи онҳо, мардуми тоҷик аксаран мусалмон ҳастанд ва ин маҳдудиятҳо хашми мардумро нисбат ба ҳукумат бештар хоҳад кард, ки дар натиҷа зуҳури гурӯҳҳои ифротӣ ва тундгаро аз эҳтимол дур нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.