21.9 C
Dushanbe

Рӯзноманигорони табъидӣ аз мушкилоташон гуфтанд

Гурӯҳе аз журналистони табъидии чанд кишвар дар Рӯзи озодии матбуот аз мушкилот ва мавриди фишору саркӯб қарор гирифтан аз ҷониби ҳукуматҳояшонро гуфтанд.

Бахшида ба Рӯзи ҷаҳонии озодии матбуот Кумитаи миллии матбуоти озод ва донишкадаи журналисткаи Клуби Миллии Матбуот “the National Press Club’s Press Freedom Committee and the Journalism Institute”, ки мақараш дар Вашингтон аст, 4-уми майи соли ҷорӣ нишасти онлайние баргузор кард, ки дар он меҳвари гуфтугӯ мушкилоти рӯзафзуни рӯзноманигорони табъидӣ баррасӣ шуд.

Дар ин нишаст рӯзноманигорон аз Тоҷикистон Муҳаммадҷон Кабиров, аз давлати Некарагуа Мария Лилли Делгадо, аз давлати Миянмар Сонни Све, аз Кашмири Ҳиндустон Масрат Заҳро ва аз Ҳиндустон Притти Наллу ширкат ва суханронӣ карданд. 

Рӯзноманигорон аз вазъи кунунии кишварҳояшон, саркӯби рӯзноманигорон аз ҷониби ҳукуматҳо, аз мушкилиҳое, ки ҳамарӯза бо он рӯ бу рӯ мешаванд, аз ҷумла аз таҷрибаи раванди паноҳандагӣ ва муҳоҷират, монеаҳо барои вуруд ва гирифтани раводиди корӣ, қарор дар бораи идома додани кори рӯзноманигорӣ ё гузаштан ба кори дигар, мушкилоти пайдо намуда хабар, мушкилоти техникӣ, молиявӣ ва кадрӣ гуфтанд.

Мақомоти Тоҷикистон дар чанд соли охир даст ба саркӯби рӯзноманигорон зада чанд тан аз онҳоро барои солҳои тӯлонӣ равонаи зиндон кард. Даҳҳо тан аз рӯзноманигорону блогерони тоҷик маҷбур шуданд Тоҷикистонро тарк кунанд. Аммо бо вуҷуди мушкилоти дигар дар хориҷ, бо таъқиб рӯ ба рӯ мешаванд.

Ҳукумати Тоҷикистон ба хотири ин аз ҷониби созмонҳои байналмилалӣ ва кишварҳои ҳомии ҳуқуқ танқид мешунавад.

Клуби Миллии Матбуот “The National Press Club” низ сабабҳои тарки афзояндаи рӯзноманигорон аз кишварҳояшонро саркӯби ҳукумат, таҷовузи хориҷӣ, тарс аз сӯиқасду боздоштҳо ва ғайра номидааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.