33.9 C
Dushanbe

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Интизор меравад, ин нишаст 24-уми апрели соли ҷорӣ дар қароргоҳи Оҷонсии ICE дар шаҳри Рим баргузор шавад.

Бино ба навиштаи баргузоркунандагон, ҳадафи ин нишаст ба ассотсиатсияҳои тиҷоратӣ ва ширкатҳои итолиёвӣ намоиш додани имкониятҳои бозори иқтисодии Тоҷикистон, мавқеи стратегии ҷуғрофӣ, вуҷуди захираҳои табиӣ ва нақши марказии энергетикии Тоҷикистон дар минтақа, мебошад.

Гуфта мешавад, ин нишаст бо як ҷаласаи институтсионалӣ оғоз шуда, баъдан намояндагони вазоратҳои дахлдори Тоҷикистон аз ҳамкориҳои тиҷоративу саноатӣ ва имконоти сармоягузории ду кишвар хоҳанд гуфт. Аз ҷониби Итолиё суханронии намояндагон ICE, CDP, SACE, SIMEST ва ширкатҳои итолиёвие, ки аллакай дар Тоҷикистон ҳузур доранд, дар назар аст.

Дар ин нишаст ба бахшҳои саноати маъдан, нассоҷӣ, чарм ва хӯрокворӣ, энергетика ва кишоварзӣ таваҷҷуҳи хоса дода мешавад.

Ҳамчунин дар охири ин нишаст имкон дорад вохӯриҳо дар шакли “B2G” бо намояндагони муассисаҳои Тоҷикистон ва ҳамчунин мулоқотҳо дар шакли “BtoB” бо ширкатҳои алоҳидаи тоҷик, сурат гирад.

Мақомоти Итолиё дар ҳоле дар бораи бозори Тоҷикистон нишаст баргузор мекунанд, ки дар шабакаҳои иҷтимоӣ мухолифин аз сафари наздики Эмомалӣ Раҳмон ба Итолиё гуфта истодаанд.

Ба гуфтаи мухолифин кормандони КДАМ ва ВКД-и Тоҷикистон ба хонаи пайвандонашон рафта, болои онҳо фишор оварда истодаанд, то наздиконашон дар эътирозҳое, ки нисбати сафари Раҳмонов ба Урупо ташкил мешавад, ширкат накунанд ва худи кормандони интизомии кишвар гуфта истодаанд, ки раисҷумҳур ба наздикӣ ба Итолиё сафар дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.