31.9 C
Dushanbe

Раиси МТС аз таҳдиди хатарҳои шабакаҳои иҷтимоӣ хабар дод

Рӯзи 8 июн дар Маркази тадқиқоти стратегии назди Президенти Тоҷикистон дар шаҳри Душанбе ҷаласаи мизи гирд дар мавзӯи “Фазои маҷозӣ: имкоият ва таҳдидҳо ба амнияти миллӣ” доир гардид. Дар ҷаласа раиси ин ниҳод, Хуршед Зиёӣ аз таҳдиди хатари шабакаҳои иҷтомӣ ба амнияти миллӣ хабар дод.

“Имрӯз ташкилотҳои террористиву экстремистӣ ва гурӯҳҳову ҷонибҳои манфиатхоҳ барои амалӣ намудани ҳадафҳои ғаразноки худ дар радифи силоҳу лавозимоти ҷангӣ аз иттилоот ва расонаҳои иттилоотӣ, бахусус шабакаҳои иҷтимоии интернет ба таври васеъ истифода мекунанд”, – гуфт Зиёӣ.

Гуфта мешавад дар кори ҷаласа намояндагони вазорату идораҳои дахлдори давлатӣ, мақомоти судӣ ва прокуратура, марказу пажӯҳишгоҳҳои илмӣ ва коршиносон ширкат доштаанд.

Ба гуфтаи Хуршед Зиёӣ, дар ин асри навин иттилооти фазои маҷозӣ бар тафаккури ҷомеа таъсир мегузорад. Ба назари ӯ, бояд таъмини амнияти фазои маҷозӣ дар замони муосир ба яке аз унсурҳои асосии таъмини амнияти миллӣ мубаддал шавад.

“Агар имрӯз мо дар баробари ҳуҷумҳои иттилоотӣ, ки ҳадафмандона ва ғаразнок аз ҷониби душманони давлату миллат роҳандозӣ мешаванд, истодагарӣ накунем, дастаҷамъона тадбирҳои самарабахш наандешему амалӣ насозем, метавонад барои амнияти миллии давлатамон хатар эҷод намояд”, мегӯяд Хуршед Зиёӣ.

Аммо Хуршед Зиёӣ дар ин ҷаласа дақиқ нагуфта, ки кадом гурӯҳ чӣ коре анҷом додааст. Вале ангушти ишора ба сӯи мухолифони Ҳукумати Раҳмон, бахусус ҲНИТ ва дигар гурӯҳҳои мухолиф шудааст, ки чандест дар шабакаҳои иҷтимоӣ фаъол шудаанд ва аз камдиҳои Ҳукумату поймол шудани ҳуқуқҳояшон дар кишвар ошкор интиқод мекунанд.

Таҳлилгарон бар ин назаранд, ки рафторҳои ғайриқонунии ҳукуматдорон, аз ҷумла рабудани чеҳраи саришиноси мухолифи Ҳукумат, ба монанди Иззат Амон, аъзоёни “Гурӯҳи 24” аз Русия ва дигар фаъолон аз кишварҳои гуногун сабаби фаъол шудани мухолифон дар шабакаҳои иҷтимоӣ гаштааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.