32.9 C
Dushanbe

Рақамикунонии соҳаи муҳоҷират дар Русия ба фоидаи муҳоҷирон аст ё хайр?

Хабаргузории ТАСС аз қавли ноиби сардори Сарраёсати умури муҳоҷирати ВКД Русия, Павел Дутов навишта, ки ин ниҳод нақша дорад давоми як соли оянда лоиҳаи қонун барои рақамикунонии низоми муҳоҷират дар ин кишварро омода намуда барои баррасӣ ба Думаи давлатӣ пешниҳод кунад.

“Барои мо истифодаи технологияҳои рақамӣ хеле муҳим аст, зеро дар ояндаи наздик, дар тӯли 1-1,5 сол, мо лоиҳаи қонуни нав дар соҳаи муҳоҷиратро барои баррасӣ ба Думаи давлатӣ пешниҳод хоҳем кард, ки он тамоми системаи муҳоҷиратро рақамӣ хоҳад кард”, – изҳор дошт Дутов зимни ҷаласаи Кумитаи ҳифзи саломатии Думаи давлатӣ.

Ба гуфтаи ин масъули ВКД-и Русия, соли 2021 дар сарраёсати онҳо системае амал хоҳад кард, ки мубодилаи иттилоотро дар вақти воқеӣ байни шӯъбаҳо дигар фароҳам меорад, аз ҷумла бо ин роҳ тафтиши маълумотномаҳои тиббии муҳоҷирон, ки барои гирифтани патент ба пулис пешниҳод шудаанд, имконпазир мегардад.

Чанде пеш мудири Маркази таҳқиқоти умури муҳоҷират, Дмитрий Полетаев гуфта буд, ки рақамикунонии низоми муҳоҷират солҳои наздик роҳандозӣ хоҳад шуд, ки он натанҳо масоили марбут ба муҳоҷират, балки рақамикунонӣ соҳаҳои дигарро низ фаро хоҳад гирифт.

Коршиносон бар ин назаранд, ки ҷорӣ кардани чунин система ҳам ба нафъи муҳоҷирон ва ҳам ба нафъи маъмурони пулис ва дигар сохторҳои марбута хоҳад буд, чун дигар пулис бо ҳар баҳонаи бардурӯғу беҷо муҳоҷиронро дастгир ва ихроҷ нахоҳад кард.

Аммо бархе бар ин назаранд, ки баракс, ин система кори баъзе муҳоҷиронро душвортар хоҳад кард, чун ҳангоми дастгир шудан баъзан бо пули андак ҳам аз дасти пулис раҳо шудан имкон дорад, аммо бо систематик шудани ин низом кор каме мушкил хоҳад шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.