Афғонистон

Раҳбарони пешини Афғонистон хостори таҳқиқи қатлҳои ом шуданд

Абдуллоҳ Абдуллоҳ ва  Муҳаммад Ҳаниф Атмар аз раҳаброни ҳукумати пешини Афғонистон хостори таҳқиқ ва муҷозоти қатлҳои гурӯҳии афғонҳо дар вилоятҳои шимолии ин кишвар шуданд.

Имрӯз, 13-уми майи соли 2022 доктар Абдуллоҳ Абдуллоҳ, собиқ, раиси Шӯрои олии мусолиҳаи миллии Афғонистон силсила кушторҳои оммавии ахир дар вилоятҳои шимолии ин кишвар, аз ҷумла Панҷшер, Бағлон ва Тахорро маҳкум кардааст.

Абдуллоҳ Абдуллоҳ мегӯяд:

"Гузоришҳои мустанади хабарии ҳаводиси ногувор ва дардовари рӯзҳои ахир аз Афғонистон мерасонанд, ки дар вилоятҳои Панҷшер, Тахор, Андаробҳо (-и Бағлон) ва Хуст низомиён даст ба маҳкамаи саҳроӣ, куштор ва шиканҷаи бошандагони мазлуми мулкӣ задаанд."

Ба гуфтаи ӯ, "ин гуна иқдомот бар асоси шаъоири динӣ, қавонини башарӣ, усули ҷанг, урфи ватанӣ ва байналмилалӣ маҳкум ва қобили накӯҳишанд. Ба гувоҳии торихи чаҳор даҳаи ахири кишвар, роҳандозии сиёсати инҳисору ҳазфи ҳамвора бар мушкилоти мардум ва мамлакат афзуда ва кишарро ба сӯӣ буҳрон савқ додааст."

Ҳамзамон ба гузориши ББС, Гузоришгари вижаи ҳуқуқи башари Созмони Миллали Муттаҳид барои Афғонистон гуфтааст, "видеоҳо ва наворҳои савтӣ ва гузоришҳои "бисёр нигаронкунанда аз нақзи ҳуқуқи башар дар вилоятҳои шимолӣ: Панҷшер, Тахор ва Бағлон мунташир шуда, ки ниёз ба таъйиди бештар доранд."

Муҳаммад Ҳаниф Атмар, собиқ вазири корҳои хориҷии Афғонистон ҳам ин қатлҳои гурӯҳиро маҳкум карда гуфтааст:

"Ҳанӯз қалбҳои дардмандамон аз андӯҳи куштори бегуноҳон дар Кобул, Мазори шариф ва Кундуз ҳамесӯхт, ки хабари ғамангези қатли ваҳшиёнаи ҳамватанони мазлумамон аз Панҷшер, Андароб ва Тахор расид. Ҳеч ҳадафи сиёсӣ ва ё низомӣ ва ҳеч қонун ва ё ойине ин ваҳшатро раво намедонад."

Собиқ вазири корҳои хориҷии Афғонистон таъкид карда, гуфтааст:

"Ба ҳар забоне, ки ҳарф мезананд, ва ба ҳар либосе, ки оростаанд, аз дин ва ойини мо нестанд, ва аз ҳеч қавме намояндагӣ намекунанд. Онҳо қотилҳои мардуми мо ҳастанд, ки бояд дар баробарашон бо ваҳдати комил ва виқори баланди миллӣ истод шавем. Мо дар ғами мардуми худ шарик ҳастем."

Пеш аз ин Ҳизби ҷамъияти исломии Афғнистон, шохаи раҳбари Салоҳиддин Раббонӣ, писари проффессор Бурҳониддин Рабонӣ низ ин қатлҳои ваҳшиёнаро маҳкум карда, хостори таҳқиқ ва муҷозоти омилони онҳо шуда буд.

Зебҳуллоҳи Муҷоҳид, сухангӯи Толибон ҳам бо нашри як навори видеоӣ дар ҳисоби Тввитериаш, ки қатлу куштор ва фирори мардуми мулкии Панҷшер аз хонаҳояшон ба кӯҳу пуштаҳоро нишон медиҳад, таъйид кардааст. Аммо бо вуҷуди ин, Толибон ҳамагуна дагирӣ бо нерӯҳои Ҷабҳаи муқовимати миллиро рад мекарданд.

Гуфтанист, тибқи гузоришҳои расонаҳои муътабар ва наворҳои нашршуда дар шабакаҳои иҷтимоӣ дар даргириҳои ахир байни нерӯҳои Аморати исломӣ ва Ҷабҳаи муқовимати миллӣ дар вилоятҳои Панҷшеру Бағлон ва Тахор даҳҳо нафар аз сарбозони Толибон куштаву захмӣ ва асир гирифта шудаанд.

Бар асоси гузориши расонаҳо ва фаъолони ҷомеаи мадании Афғонистон нерӯҳои Аморати исломӣ чунин зарбаи сангинеро дар муддати 9 моҳи гузашта, ки қудратро дар даст дорад, то ҳол аз ҷониби нерӯҳои зиддитолибонӣ дар Афғонистон таҷриба накарда буд. Ба ҳамин хотир, бо ирсоли нерӯҳои бештар ва анҷоми қатлҳои дастаҷамъӣ мехоҳад фарҳанги тарсу ваҳшатро дар ин се вилояти умдатан тоҷикнишин зиёдтар кунанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Афғонистон

Путин расман бо Толибон робита барқарор карданист

Афғонистон

Ҳамлаи муссалаҳона ба толори нишасти Толибон дар Кобул

Афғонистон

Гирдиҳамоии бузурги уламои Афғонистон дар Кобул

Афғонистон

Баргузории нишасти олимони дини Афғонистон дар Кобул