36.9 C
Dushanbe

Раҳматилло Зиров: раисони ҳарду палатаи қонунбарори Тоҷикистон бояд ҷазо гиранд

Акс аз “Озодӣ”

Раҳматилло Зоиров, раиси Ҳизби сотсиал-демократи Тоҷикистон қарори Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистонро дар хусуси аз ҳарвақта пештар, яъне 11 октябри соли ҷорӣ баргузор шудани интихоботи Президентӣ дар Тоҷикистонро ғайриқонунӣ хонда, гуфтааст, ки ин қарор қувваи ҳуқуқӣ надорад.

Зоиров дар изҳороти худ, ки дар саҳифаи фейсбукаш нашр шуд, мегӯяд, агарчи баргузор шудани ин ҷаласаи Маҷлиси миллӣ ва Маҷлиси намояндагон ба маврид буд, аммо таъйини интихоботи Президентӣ ба 11 октябр ва пеш аз ба охир расидани салоҳиятҳои президентӣ ғайриқонунӣ аст.

“5-6 август барпо шудани ҷаласаи бо якҷоягии Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон дурусту лозим буд. Онро бояд иcтиқбол кард. Вале таъйини интихоботи раисҷумҳури ҶТ барои ба 11-уми октябри соли 2020, ки як моҳ қабл аз ба итмом расидани салоҳияти раисҷумҳур, ки тамоми қонунҳои интихоботӣ аз он сарчашма мегиранд, комилан ғайриқонунӣ мебошад!”

Раиси ҲСДТ аз раиси Суди констутсионӣ ва Прокуратураи генералии Ҷумҳурии Тоҷикистон хостааст, ки раисони ҳарду палатаи қонунбарор ҷазо дода шаванд.

“Қарори якҷояи ММ ва МН Маҷлиси Олии Ҷумҳурии Тоҷикистон аз 6 августи соли 2020 аз рӯзи қабул шуданаш қувваи ҳуқуқӣ надорад.
Ин амалҳои ММ ва МН Маҷлиси Олии Ҷумҳурии Тоҷикистон амали худсарона мебошад, ки барои он раисони ҳарду палатаҳои Маҷлиси Олии Ҷумҳурии Тоҷикистон бояд ҷазо дода шаванд.
Суди конститутсионии Ҷумҳурии Тоҷикистон ва Прокуратураи генералии Ҷумҳурии Тоҷикистон бояд ба ин қарор баҳои ҳуқуқӣ бидиҳанд!”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишор болои наздикони фаъолони зодаи Бадахшон

Мақомоти Тоҷикистон фишор болои хонаводаҳои зодагони Вилояти Мухтори Кӯҳистони Бадахшонро, ки дар хориҷ аз Тоҷикистонанду дар ҷустуҷӯ қарор доранд, сахттар кардааст.

Тазоҳуроти фаъолон дар Олмон: Ҳамкорӣ бо Тоҷикистон қатъ шавад!

Гурӯҳе аз фаъолон дар Олмон бо баргузории тазоҳурот ва дархости озодии Абдуллоҳи Шамсиддин, хостори қатъи ҳамкорӣ бо Тоҷикистон шуданд.

Муттаҳидони Русия ҳамлаҳои Исроил ба Эрон ва Ғаззаро маҳкум карданд

Раҳбарони кишварҳои узви гурӯҳи БРИКС дар як баёнияи муштарак...

Боздошти ду ҷавони тоҷик дар Русия бо иттиҳоми озори ноболиғон

Пас аз баргузории ҷашнвораи фарҳангии тоҷикон дар шаҳри Красноярски Русия, ду ҷавони тоҷик бо иттиҳоми озору азияти ду духтари 14-сола боздошт шудаанд.